తౌహిద్‌ డబుల్‌ సెంచరీ

వెస్టిండీస్‌తో రెండో టెస్ట్‌ మ్యాచ్‌లో బంగ్లాదేశ్‌ యువ బ్యాటర్‌ తౌహిద్‌ హృదోయ్‌ (242 నాటౌట్‌) రికార్డు డబుల్‌ సెంచరీ కొట్టాడు.

సిల్హెట్‌: వెస్టిండీస్‌తో రెండో టెస్ట్‌ మ్యాచ్‌లో బంగ్లాదేశ్‌ యువ బ్యాటర్‌ తౌహిద్‌ హృదోయ్‌ (242 నాటౌట్‌) రికార్డు డబుల్‌ సెంచరీ కొట్టాడు. టెస్టుల్లో బంగ్లా తరఫున అత్యధిక స్కోరుతో రికార్డుకెక్కాడు. దాంతో ఓవర్‌ నైట్‌ స్కోరు 88/3తో మూడో రోజు, శనివారం ఆట కొనసాగించిన బంగ్లా తొలి ఇన్నింగ్స్‌ లో 386 రన్స్‌ కు ఆలౌటై 30 పరుగుల ఆధిక్యం అందుకుంది. ఓ దశలో బంగ్లా 184 పరుగులకే 7 వికెట్లు కోల్పోయి పీకల్లోతు కష్టాల్లో పడిన సమయంలో తౌహిత్‌ అసాధారణంగా పోరాడి జట్టును ఆదుకున్నాడు. అనంతరం రెండో ఇన్నింగ్స్‌కు వచ్చిన విండీస్‌ 7/0తో మూడో రోజును ముగించింది.