హెచ్‌సీఏ అపెక్స్‌ కౌన్సిల్‌ కొనసాగింపు

హైదరాబాద్‌ క్రికెట్‌ సంఘం (హెచ్‌సీఏ) అపెక్స్‌ కౌన్సిల్‌ పదవీ కాలం ఈ నెల 21తో ముగిసినప్పటికీ ఆ కార్యవర్గ సభ్యులే తాత్కాలిక ఇంచార్జీలుగా కొనసాగేందుకు రాష్ట్ర హైకోర్టు గురువారం అనుమతించింది.

హైదరాబాద్‌, ఆట ప్రతినిధి : హైదరాబాద్‌ క్రికెట్‌ సంఘం (హెచ్‌సీఏ) అపెక్స్‌ కౌన్సిల్‌ పదవీ కాలం ఈ నెల 21తో ముగిసినప్పటికీ ఆ కార్యవర్గ సభ్యులే తాత్కాలిక ఇంచార్జీలుగా కొనసాగేందుకు రాష్ట్ర హైకోర్టు గురువారం అనుమతించింది.

సభ్యత్వాల ధృవీకరణ ప్రక్రియ పూర్తయి, నిబంధనల ప్రకారం నూతన కార్యవర్గానికి ఎన్నికలు జరిగేంత వరకు ఈ అవకాశం కల్పించింది. ఏప్రిల్‌ 24న ఇచ్చిన గత ఆదేశాలకు లోబడి ఏకసభ్య కమిటీ పర్యవేక్షణలోనే ఈ అపెక్స్‌ కౌన్సిల్‌ తమ పాలనా వ్యవహారాలను నిర్వర్తించాలని న్యాయస్థానం స్పష్టం చేసిందని హెచ్‌సీఏ ఒక ప్రకటనలో తెలిపింది.