IPL 2023 : పదిహేనేళ్లుగా క్రికెట్ ఫ్యాన్స్కు వినోదం పంచిన ఐపీఎల్ (IPL 2023) పండుగ రేపటితో షురూ కానుంది. ఈ ఏడాది టైటిల్ సాధించడమే లక్ష్యంగా సన్రైజర్స్ హైదరాబాద్ బరిలోకి దిగుతోంది. ఈ నేపథ్యంలో ఆ జట్టు స్టార్ ప్లేయర్ మయాంక్ ఆగర్వాల్(Mayank Agarwal) కెప్టెన్ ఎయిడెన్ మర్క్రమ్(Aiden Markram)పై ఆసక్తికర కామెంట్లు చేశాడు. అతనొక మెషిన్, అద్భుతమైన క్రికెటర్ అని ప్రశంసలు కురిపించాడు. ఎస్ఆర్హెచ్ యూట్యూబ్ ఛానెల్తో మాట్లాడుతూ.. ‘మర్క్రమ్ అద్భుతమైన క్రికెటర్ మాత్రమే కాదు అతనొక మెషిన్. ఎందుకంటే..? అతను గేమ్ కోసం చాలా కష్టపడతాడు. అంతేకాదు తన ఆటను మెరుగుపరుచుకునేందుకు బాగా ఆలోచిస్తాడు.
అంతేకాదు ఎల్లప్పుడూ ప్రశాంతంగా ఉంటాడు. అతని కెప్టెన్సీలో ఆడేందుకు ఆసక్తిగా ఎదురుచూస్తున్నా’ అని మయాంక్ తెలిపాడు. మర్క్రమ్, అతను ఇంతకుముందు పంజాబ్ కింగ్స్కు కలిసి ఆడామని మయాంక్ గుర్తు చేసుకున్నాడు. గత సీజన్లో ఈ ఓపెనర్ పంబాబ్ కింగ్స్ కెప్టెన్గా ఉన్నాడు.
సన్రైజర్స్ హైదరాబాద్ జట్టు మునపటికంటే ఈసారి పటిష్టంగా కనిపిస్తోంది. ఈమధ్యే దక్షిణాఫ్రికా లీగ్లో(SAT20) సన్రైజర్స్ ఈస్టర్స్ కేప్ జట్టును చాంపియన్గా నిలిపిన మర్క్రమ్ సారథిగా టీమ్ను నడిపించనున్నాడు. హ్యారీ బ్రూక్(Harry Brook), మయాంక్ అగర్వాల్, గ్లెన్ ఫిలిఫ్స్, క్లాసిన్ వంటి విధ్వంసక ఆటగాళ్లు మిడిలార్డర్లో కీలకం కానున్నారు. సీనియర్ భువనేశ్వర్ కుమా(Bhuvaneshwar Kumar), నటరాజన్, ఆదిల్ రషీద్, ఉమ్రాన్ మాలిక్, కార్తిక్ త్యాగిలతో బౌలింగ్ దళం కూడా బలంగా ఉంది. హెడ్కోచ్ బ్రియాన్ లారా, బౌలింగ్ కోచ్ డేల్ స్టెయిన్ సలహాలతో ఈ సీజన్లో చెలరేగాలని భావిస్తోంది. 2016లో డేవిడ్ వార్నర్ సారథ్యంలో ట్రోఫీ నెగ్గిన ఎస్ ఆర్హెచ్ ఈసీజన్లో టైటిల్పై కన్నేసింది. 16వ ఐపీఎల్లో ఎస్ఆర్హెచ్ ఏప్రిల్ 2న గత సీజన్ రన్నరప్ రాజస్థాన్ రాయల్స్ను ఢీ కొట్టనుంది.
ఐపీఎల్ ఆరంభ వేడుకలను అట్టహాసంగా, కన్నులపండువగా జరగనున్నాయి. అందుకని సినీ సెలబ్రిటీలు, బాలీవుడ్ సింగర్స్తో బీసీసీఐ ప్రదర్శనలు ఏర్పాటు చేసింది. తెలుగు, కన్నడతో పాటు బాలీవుడ్లోనూ పాపులర్ అయిన రష్మిక మందాన(Rashmika Mandanna), మిల్క్బ్యూటీ తమన్నా భాటియా(Tamanna Bhatia,) డాన్స్తో అలరించనున్నారు. బాలీవుడ్ ఫేమస్ సింగర్ అర్జిత్ సింగ్ పాటలతో స్టేడియాన్ని హోరెత్తించనున్నాడు. అనంతరం పది జట్ల కెప్టెన్లు ట్రోఫీని ఆవిష్కరించనున్నారు. తొలి మ్యాచ్లో డిఫెండింగ్ చాంపియన్ గుజరాత్ టైటన్స్, నాలుగుసార్లు చాంపియన్ చెన్నై సూపర్ కింగ్స్ తలపడనున్నాయి.