IPL 2024 : ఐపీఎల్ పదిహేడో సీజన్లో బ్యాటింగ్నే నమ్ముకున్న సన్రైజర్స్ హైదరాబాద్(Sunriseers Hyderabad) తొలిసారి బౌలింగ్లో రఫ్పాడించింది. ఫైనల్ బెర్తును నిర్ణయించే క్వాలిఫయర్ 2లో లెఫ్టార్మ్ స్పిన్నర్ల విజృంభణతో సూపర్ విక్టరీ కొట్టింది. ఈ మ్యాచ్లో అద్భుతంగా రాణించిన ఇంప్యాక్ట్ ప్లేయర్ షాబాజ్ అహ్మద్(Shabaz Ahmed) ‘ప్లేయర్ ఆఫ్ ది మ్యాచ్’ అవార్డుకు ఎంపికయ్యాడు.
అనంతరం మాట్లాడిన షాబాజ్.. ‘మేము ఈరోజు సెలబ్రేట్ చేసుకోవడం లేదు. ఫైనల్ రోజు కోసం మా సంబురాలను వాయిదా వేశాం. ట్రోఫీ గెలిచాకే సెలబ్రేషన్స్ చేసుకుంటాం. ఇప్పటికైతే రిలాక్స్ మోడ్లో ఉంటాం’ అని తెలిపాడు. పదహారో సీజన్లో ఆర్సీబీ(RCB)కి ఆడిన షాబాజ్ను మినీ వేలంలో హైదరాబాద్ కొన్నది. రూ.2.4 కోట్లు పలికిన ఈ లెఫ్ట్ ఆర్మ్ స్పిన్నర్ ఈ సీజన్లో ఆరెంజ్ ఆర్మీ విజయాల్లో కీలక పాత్ర పోషించాడు. లోయర్ ఆర్డర్లో ధనాధన్ ఆడుతూ జట్టు కొండంత స్కోర్ కొట్టడంలో సాయపడ్డాడు. చావోరేవో లాంటి క్వాలిఫయర్ 2లో సంచలన బౌలింగ్తో మ్యాచ్ విన్నర్గా నిలిచాడు.
Shahbaz Ahmed has put Sunrisers Hyderabad on 🔝🧡#RR in deep trouble and in search of something special in Chennai!
Watch the match LIVE on @StarSportsIndia and @JioCinema 💻📱#TATAIPL | #SRHvRR | #Qualifier2 | #TheFinalCall pic.twitter.com/8sGV8fzxcZ
— IndianPremierLeague (@IPL) May 24, 2024
క్వాలిఫయర్ 1లో ఓడిన సన్రైజర్స్ క్వాలిఫయర్ 2లో అదరగొట్టింది. రాజస్థాన్ పేసర్లు ట్రెంట్ బౌల్ట్ ధాటికి ఓపెనర్లు ట్రావిస్ హెడ్((34), అభిషేక్(12)లు విఫమైన చోట హెన్రిచ్ క్లాసెన్(50), రాహుల్ త్రిపాఠి(37) మెరుపులతో 175 రన్స్ కొట్టింది. ఆ తర్వాత యశస్వీ జైస్వాల్(45) అటాకింగ్ గేమ్తో గెలుపు దిశగా సాగుతున్న రాజస్థాన్ను షాబాద్(3/23) దెబ్బకొట్టాడు. యశస్వీని వెనక్కి పంపిన అతడు ఆ తర్వాత డేంజరస్ రియాన్ పరాగ్(6)ను ఔట్ చేసి మ్యాచ్ను మలుపు తిప్పాడు.
మరో ఎండ్లో అభిషేక్ శర్మ(2/24) సైతం సంజూ శాంసన్(10), షిమ్రాన్ హిట్మైర్(4)ను ఔట్ చేసి మ్యాచ్ను మలుపు తిప్పాడు. ధ్రువ్ జురెల్(56 నాటౌట్) చివరి దాకా పోరాడినా రాజస్థాన్కు ఓటమి తప్పలేదు. 36 పరుగుల తేడాతో గెలుపొందిన సన్రైజర్స్ దర్జాగా ఫైనల్కు దూసుకెళ్లింది. మే 26 ఆదివారం చెపాక్ స్టేడియంలో కోల్కతాతో టైటిల్ పోరుకు సిద్దమైంది.