Shashi Tharoor: బీసీసీఐ సెలెక్ట‌ర్ల తీరును త‌ప్పుప‌ట్టిన ఎంపీ శ‌శిథ‌రూర్‌

Shashi Tharoor: లంక‌తో జ‌రిగే వ‌న్డేల‌కు సంజూ శాంస‌న్, టీ20ల‌కు అభిషేక్ శ‌ర్మ‌ను ఎంపిక చేయ‌క‌పోవ‌డం ప‌ట్ల బీసీసీఐ సెలెక్ట‌ర్ల వైఖ‌రిని కాంగ్రెస్ ఎంపీ శ‌శిథ‌రూర్ త‌ప్పుపట్టారు. క్రికెట‌ర్ల స‌క్సెస్‌ను సెలెక్ట‌ర్లు ప‌ట్టించుకోర‌ని ఆయ‌న విమ‌ర్శించారు.

న్యూఢిల్లీ: శ్రీలంక టూర్‌కు వెళ్లే టీ20, వ‌న్డే జ‌ట్ల‌ను బీసీసీఐ గురువారం ప్ర‌క‌టించింది. అయితే బీసీసీఐ సెల‌క్ష‌న్ క‌మిటీ వ్య‌వ‌హ‌రించిన తీరును లోక్‌స‌భ ఎంపీ శ‌శిథ‌రూర్(Shashi Tharoor) త‌ప్పుప‌ట్టారు. వ‌న్డేల నుంచి సంజూ శాంస‌న్‌, టీ20ల నుంచి అభిషేక్ శ‌ర్మ‌ను ఎందుకు త‌ప్పించార‌ని ఆయ‌న ఆశ్చ‌ర్యాన్ని వ్య‌క్తం చేశారు. సంజూ శాంస‌న్ త‌న చివ‌రి వ‌న్డేలో సెంచరీ కొట్టాడ‌ని, కానీ అత‌న్ని లంక‌తో జ‌రిగే వ‌న్డేల‌కు సెలెక్ట్ చేయ‌లేదని, ఇక జింబాబ్వేతో జ‌రిగిన టీ20 సిరీస్‌లో అభిషేక్ శ‌ర్మ సెంచ‌రీ కొట్టాడ‌ని, కానీ అత‌న్ని లంక టూర్‌కు ఎంపిక చేయ‌లేద‌ని ఎంపీ శ‌శిథ‌రూర్ ప్ర‌శ్నించారు. సెలెక్ట‌ర్ల తీరు గ‌మ్మ‌త్తుగా ఉంద‌ని, అయినా భార‌త జ‌ట్టుకు గుడ్‌ల‌క్ చెబుతున్న‌ట్లు శ‌శిథ‌రూర్ వెల్ల‌డించారు.

Interesting squad selection for India’s tour of Sri Lanka later this month. @IamSanjuSamson, who hit a century in his last ODI, has not been picked for ODIs, while @IamAbhiSharma4, who hit a T20I century in the #INDvZIM series, has not been picked at all. Rarely has success in… pic.twitter.com/PJU5JxSOx2

— Shashi Tharoor (@ShashiTharoor) July 18, 2024