Masters League | ఇండియాదే ఇంటర్నేషనల్‌ మాస్టర్స్‌ టైటిల్‌.. ఫైనల్‌లో వెస్టిండీస్‌ చిత్తు

మాజీ క్రికెటర్లు ప్రాతినిథ్యం వహించిన ఇంటర్నేషనల్‌ మాస్టర్స్‌ లీగ్‌ టీ20 తొలి సీజన్‌ టైటిల్‌ను సచిన్‌ టెండూల్కర్‌ సారథ్యంలోని ఇండియా మాస్టర్స్‌ గెలుచుకుంది. వెస్టిండీస్‌ మాస్టర్స్‌తో రాయ్‌పూర్‌ వేదికగా జరిగిన ఫైనల్‌ పోరులో ఇండియా.. 6 వికెట్ల తేడాతో ఘనవిజయం సాధించింది.

Masters League | రాయ్‌పూర్‌ : మాజీ క్రికెటర్లు ప్రాతినిథ్యం వహించిన ఇంటర్నేషనల్‌ మాస్టర్స్‌ లీగ్‌ టీ20 తొలి సీజన్‌ టైటిల్‌ను సచిన్‌ టెండూల్కర్‌ సారథ్యంలోని ఇండియా మాస్టర్స్‌ గెలుచుకుంది. వెస్టిండీస్‌ మాస్టర్స్‌తో రాయ్‌పూర్‌ వేదికగా జరిగిన ఫైనల్‌ పోరులో ఇండియా.. 6 వికెట్ల తేడాతో ఘనవిజయం సాధించింది. మ్యాచ్‌లో మొదట టాస్‌ గెలిచి బ్యాటింగ్‌ చేసిన బ్రియాన్‌ లారా సారథ్యంలోని వెస్టిండీస్‌.. 20 ఓవర్లలో 7 వికెట్ల నష్టానికి 148 పరుగులకే పరిమితమైంది.

సిమ్మన్స్‌ (57) టాప్‌ స్కోరర్‌ కాగా డ్వేన్‌ స్మిత్‌ (45) రాణించాడు. లక్ష్యాన్ని ఇండియా.. 17.1 ఓవర్లలోనే ఛేదించింది. వికెట్‌ కీపర్‌ బ్యాటర్‌ అంబటి రాయుడు (50 బంతుల్లో 74, 9 ఫోర్లు, 3 సిక్సర్లు) మ్యాచ్‌ విన్నింగ్‌ ఇన్నింగ్స్‌ ఆడాడు. సచిన్‌ (18 బంతుల్లో 25, 2 ఫోర్లు, 1 సిక్స్‌) తనదైన ట్రేడ్‌మార్క్‌ షాట్లతో అభిమానులను అలరించాడు. యువరాజ్‌ (13 నాటౌట్‌), బిన్నీ (16 నాటౌట్‌) లాంచనాన్ని పూర్తిచేశాడు.