Sachin Dhas | ఒకే ఫ్రేమ్‌లో ఇద్ద‌రు స‌చిన్‌లు.. ఫొటో చూశారా..!

Sachin Dhas : అండ‌ర్ 19 వ‌ర‌ల్డ్ క‌ప్‌ సెమీఫైన‌ల్లో భార‌త జ‌ట్టు విజ‌యం అనంత‌రం స‌చిన్ ధాస్(Sachin Dhas) పేరు మార్మోగిపోతోంది. జూనియ‌ర్ స‌చిన్ దొరికేశాడంటూ ఫ్యాన్స్ సంబుర‌ప‌డిపోతున్నారు. భార‌త లెజెండ్ స‌చిన్ టెండూల్క‌ర్...

Sachin Dhas : అండ‌ర్ 19 వ‌ర‌ల్డ్ క‌ప్‌ సెమీఫైన‌ల్లో భార‌త జ‌ట్టు విజ‌యం అనంత‌రం స‌చిన్ ధాస్(Sachin Dhas) పేరు మార్మోగిపోతోంది. జూనియ‌ర్ స‌చిన్ దొరికేశాడంటూ ఫ్యాన్స్ సంబుర‌ప‌డిపోతున్నారు. భార‌త లెజెండ్ స‌చిన్ టెండూల్క‌ర్ (Sachin Tendulkar) పేరు పెట్టుకున్న ఈ కుర్రాడు ఒత్తిడిలోనూ విలువైన ఇన్నింగ్స్ ఆడాడు. 96 ప‌రుగుల‌తో స‌ఫారీ జ‌ట్టు ఫైన‌ల్ క‌ల‌ల్ని క‌ల్ల‌లు చేశాడు. కెప్టెన్ ఉద‌య్ స‌హ‌ర‌న్‌ (Uday Saharan)తో క‌లిసి ఐదో వికెట్‌కు 171 ర‌న్స్ జోడించాడు.

ఈ మ్యాచ్‌లో అత‌డు నాన్‌స్ట్ర‌యిక్‌లో నిల్చొన్న తీరు.. అచ్చం 2011 వ‌ర‌ల్డ్ క‌ప్ సెమీస్‌లో ఆస్ట్రేలియాతో మ్యాచ్‌లో స‌చిన్ నిల్చున్న విధంగానే ఉంది. దాంతో, ఐపీఎల్ ఫ్రాంచైజీ పంజాబ్ కింగ్స్ ఒకే ఫ్రేమ్‌లో ఉన్న‌ ఇద్ద‌రు స‌చిన్‌ల ఫొటోల‌ను సోష‌ల్‌మీడియాలో పోస్ట్ చేసింది. ఇంకేముంది ఆ ఫొటో నెట్టింట వైర‌ల్ అవుతోంది.

Sachin standing tall in a World Cup Semi-Final. We have seen this before. 🤩#INDvSA #U19WorldCup pic.twitter.com/nNPavQMkpg

— Punjab Kings (@PunjabKingsIPL) February 6, 2024

భార‌త క్రికెట్‌లో రారాజుగా వెలుగొందిన స‌చిన్ సొంత రాష్ట్రం మ‌హ‌రాష్ట్ర. కుర్రాడు స‌చిన్‌ ధాస్ కూడా మ‌హ‌రాష్ట్రనే. వీళ్లిద్ద‌రి జెర్సీ నంబ‌ర్ కూడా 10నే కావ‌డం విశేషం. 2005 ఫిబ్ర‌వ‌రి 3వ తేదీన మ‌హారాష్ట్రలోని బీడ్ గ్రామంలో ధాస్ జ‌న్మించాడు. అతడి తండ్రి సంజ‌య్ ఓ ప్ర‌భుత్వ ఉద్యోగి. క్రికెట్ అంటే అతడికి అమితమైన ఇష్టం దాంతో కొడుక్కి త‌న ఆరాధ్య‌క్రికెట‌ర్ స‌చిన్ టెండూల్క‌ర్ పేరు క‌లిసేలా.. ‘స‌చిన్ ధాస్’ అని పేరు పెట్టాడు.

స‌చిన్ ధాస్

నాలుగున్న‌ర ఏండ్ల నుంచే స‌చిన్ క్రికెట్ ఆడ‌డం మొద‌లెట్టాడు. అండ‌ర్ -14, అండ‌ర్ -16, అండ‌ర్ -19 విభాగాల్లో ముంబై జ‌ట్టుకు కెప్టెన్‌గా వ్య‌వ‌హ‌రించాడు. కీల‌క‌మైన సెమీస్‌లో అద్భ‌తు ఆడిన ఇన్నింగ్స్ ఆడిన స‌చిన్ త్వ‌ర‌లోనే భార‌త సీనియ‌ర్ జ‌ట్టులోకి రావడం ఖాయమనిపిస్తోంది.

స‌చిన్ టెండూల్క‌ర్

ప్ర‌పంచ క్రికెట్‌లో గొప్ప ఆట‌గాడైన సచిన్ ప‌లు రికార్డులు సృష్టించాడు. మ‌రెవ‌రికీ సాధ్యంకాని రీతిలో 100 శ‌త‌కాలతో రికార్డు నెల‌కొల్పాడు. అయితే.. వ‌న్డేల్లో మాస్ట‌ర్ బ్లాస్ట‌ర్ 49 సెంచరీల రికార్డును విరాట్ కోహ్లీ ఈమ‌ధ్యే బ్రేక్ చేశాడు. సొంత‌గ‌డ్డ‌పై జ‌రిగిన వ‌న్డే వ‌ర‌ల్డ్ క‌ప్‌లో దక్షిణాఫ్రికాపై మెరుపు శ‌త‌కం బాదిన విరాట్.. 50వ సారి మూడంకెల స్కోర్‌తో సచిన్‌ను దాటేశాడు. ప్ర‌స్తుతం స‌చిన్ ఐపీఎల్‌లో ముంబై ఇండియ‌న్స్ మెంటార్‌గా సేవ‌లందిస్తున్నాడు.

ఇవి కూడా చ‌ద‌వండి

• SA 20 | క్వాలిఫ‌య‌ర్ 1లో డ‌ర్బ‌న్ జట్టుకు షాక్.. ఫైన‌ల్‌కు దూసుకెళ్లిన‌ స‌న్‌రైజ‌ర్స్
• Sharad Pawar Posters | ఎన్సీపీ కార్యాలయం వద్ద.. శరద్‌ పవార్‌కు మద్దతుగా బ్యానర్లు