Swiss Open : భారత స్టార్ షట్లర్స్ పీవీ సింధు (PV Sindhu), హెచ్ఎస్ ప్రణయ్ (HS Pranay) సత్తా చాటారు. స్విస్ ఓపెన్ సూపర్ 300 బ్యాడ్మింటన్ టోర్నమెంట్ ప్రీ-క్వార్టర్ ఫైనల్లో అడుగుపెట్టారు. పోయిన ఏడాది ఈ టోర్నమెంట్లో చాంపియన్గా నిలిచిన సింధు 21-9 21-16 తో జెంజిరా స్టాడెల్మన్(స్విట్జర్లాండ్)ను చిత్తు చేసింది. తర్వాతి రౌండ్లో ఈ ఒలింపిక్ విజేత ఇండోనేషియాకు చెందిన పుత్రి కుసుమ వర్దానీతో సింధు తలపడనుంది.
పురుషుల సింగిల్స్లో వరల్డ్ 9 ర్యాంకర్ అయిన ప్రణయ్ 21-17 19-21 21-17తో ఆల్ ఇంగ్లండ్ ఛాంపియన్షిప్ ఫైనలిస్ట్ షి యు కి(చైనా)పై గెలుపొందాడు. ప్రణయ్ తర్వాతి రౌండ్లోక్రిస్టో పొపోవ్ (ఫ్రాన్స్)ను ఢీ కొట్టనున్నాడు. ఈరోజు భారత ప్లేయర్ కిదాంబి శ్రీకాంత్, లీ చెక్ యూ (హాంకాంగ్)తో తలపడనున్నాడు. పురుషుల డబుల్స్లో సాత్విక్ సాయిరాజ్, చిరాగ్ శెట్టీ తైవాన్కు చెందిన ఫాంగ్ చిహ్, ఫాంగ్ జెన్ లీ జోడీని ఎదుర్కోనున్నారు.