Tushar Arothe | టీమిండియా మాజీ హెడ్‌కోచ్ ఇంట్లో నోట్ల క‌ట్ట‌లు.. బెట్టింగ్ డ‌బ్బేనా?

Tushar Arothe : భార‌త మహిళల జ‌ట్టు మాజీ హెడ్‌కోచ్ తుషార్ అరొథె(Tushar Arothe) భారీ న‌గ‌దుతో ప‌ట్టుబ‌డ్డాడు. శ‌నివారం ప్ర‌తాప్‌గంజ్‌లోని అత‌డి ఇంట్లో రూ. 1 కోటి దొరికింది. దాంతో, వ‌డోద‌రా పోలీసులు తుషార్‌పై కేసు...

Tushar Arothe : భార‌త మహిళల జ‌ట్టు మాజీ హెడ్‌కోచ్ తుషార్ అరొథె(Tushar Arothe) భారీ న‌గ‌దుతో ప‌ట్టుబ‌డ్డాడు. శ‌నివారం ప్ర‌తాప్‌గంజ్‌లోని అత‌డి ఇంట్లో రూ. 1 కోటి దొరికింది. దాంతో, వ‌డోద‌రా పోలీసులు తుషార్‌పై కేసు న‌మోదు చేశారు. పోలీసులు సోదాలు నిర్వ‌హించ‌గా తుషార్ ఇంట్లో కోటి రూపాయ‌లతో ఉన్న బ్యాగ్ దొరికింది. ఆ డ‌బ్బు ఎక్క‌డిది? అని ప్ర‌శ్నించ‌గా.. తుషార్ త‌డ‌బ‌డ్డాడు.

‘ఆ డ‌బ్బు త‌న‌దే అనేందుకు తుషార్ స‌రైన ఆధారాలు చూపించ‌లేదు. దాంతో, అత‌డిపై కేసు న‌మోదు చేశాం’ అని పోలీస్ స్పెష‌ల్ ఆప‌రేష‌న్ గ్రూప్ ఇన్‌స్పెక్ట‌ర్ వీఎస్ ప‌టేల్ వెల్ల‌డించాడు. తుషార్ కుమారుడు రిషిపై గ‌తంలో క్రికెట్ బెట్టింగ్(Cricket Betting), చీటింగ్ కేసులు ఉన్నాయి. దాంతో, ఆ కోటి రూపాయ‌లు బెట్టింగ్‌కు సంబంధించిన డ‌బ్బు అయి ఉంటుంద‌ని పోలీసులు అనుమానిస్తున్నారు.

తుషార్ అరొథె

బ‌రోడాకు చెందిన ఫ‌స్ట్ క్లాస్ క్రికెటర్ అయిన తుషార్ కోచ్‌గా విజ‌య‌వంత‌మ‌య్యాడు. అత‌డి శిక్ష‌ణ‌లో టీమిండియా 2017లో వ‌ల‌ర్డ్ క‌ప్ ఫైన‌ల్ చేరింది. దాంతో, బీసీసీఐ అత‌డి కాంట్రాక్ట్‌ను మ‌రో రెండేండ్లు పొడిగించింది. అయితే.. 2018లో తుషార్ త‌న ప‌ద‌వికి రాజీనామా చేశాడు. ఆసియా క‌ప్ ఫైన‌ల్లో టీమిండియా ఓట‌మికి బాధ్య‌త వ‌హిస్తూ కోచ్‌గా వైదొలిగాడు. అయిన‌ప్ప‌టికీ తుషార్ కోచింగ్ సిబ్బందిలో ఒక‌డిగా 2022 వ‌ర‌కు జ‌ట్టుతోనే కొన‌సాగాడు.

ఇవి కూడా చ‌ద‌వండి

• Srinivas Goud | మాజీ మంత్రి శ్రీనివాస్ గౌడ్ పిటిష‌న్‌పై హైకోర్టులో విచార‌ణ‌
• Indian Wells 2024 | ఫైనల్ క్వాలిఫ‌యింగ్ రౌండ్‌లో న‌గాల్.. భారీ ప్రైజ్‌మ‌నీ ఖాయ‌మేనా..?
• AP CM Jagan | ఏపీ సీఎం కీలక వ్యాఖ్యలు.. ఎన్నికల తరువాత అక్కడి నుంచే పాలన