Visit:
PSL : పాకిస్థాన్ సూప‌ర్ లీగ్‌ (PSL)లోని క‌రాచీ కింగ్స్ త‌మ క్రికెట‌ర్ల‌కు హెయిర్ డ్ర‌య్య‌ర్, ట్రిమ్మ‌ర్‌ల‌ను కానుక‌లుగా ఇవ్వడం చూశాం. అయితే.. లాహోర్ క్యాలండ‌ర్స్(Lahore Qualanders) మాత్రం ఓ అడుగు ముందుకేసి త‌మ కెప్టెన్ షాహీన్ ఆఫ్రిది (Shaheen Afridi)కి బంగారు ఐ ఫోన్‌ను గిఫ్ట్‌గా అందించింది. దాంతో, ఆఫ్రిదితో పాటు క్యాలండ‌ర్స్ జ‌ట్టు ఆట‌గాళ్లు ఆశ్చ‌ర్యానికి గుర‌య్యారు.
కెప్టెన్‌గా, పేస‌ర్‌గా రాణిస్తూ లాహోర్ జ‌ట్టు విజ‌యాల్లో కీలక పాత్ర పోషిస్తున్నాడు అఫ్రిది. దాంతో, అత‌డి కోసం ప్ర‌త్యేకంగా 24 క్యార‌ట్ల బంగారంతో ఐ ఫోన్ 16 ప్రోను త‌యారు చేయించింది యాజ‌మాన్యం. ఈస్ట‌ర్ సంబ‌ర్భంగా మైదానంలో అత‌డిని ఆశ్చ‌ర్య‌ప‌రుస్తూ ఈ స్పెష‌ల్ గిఫ్ట్‌ను అందించింది. ఆఫ్రిది ఫోన్ ఉన్న బాక్స్‌ను ఓపెన్ చేయ‌గానే ప‌క్క‌నే ఉన్న ఇంగ్లండ్ ఆట‌గాడు సామ్ బిల్లింగ్స్ షాక‌య్యాడు.
The iPhone has landed 📱😉
Our Captain Qalandar receives a gift he’s worthy of 💛🤴🏽
A custom 24K Gold-plated IPhone 16 Pro, made just for Lahore Qalandars’ main man, Shaheen! pic.twitter.com/PYigEiJvRR— Lahore Qalandars (@lahoreqalandars) April 20, 2025
‘అమ్మో.. ఇంత ఖ‌రీదైన గిఫ్టా’ అనినోరెళ్ల‌బెట్టాడు. ఊహించ‌ని గిఫ్ట్‌తో అవాక్కైన ఆఫ్రిది.. త‌న స్పెష‌ల్ గిఫ్ట్‌ను అభిమానుల‌కు చూపిస్తూ మురిసిపోయాడు. అయితే.. త‌మ అంద‌రినీ వ‌దిలేసి కెప్టెన్‌కు మాత్రమే గిఫ్ట్ ఇవ్వడం స‌మంజ‌సం కాద‌ని పేస‌ర్ హ్యారిస్ ర‌వుఫ్ అసంతృప్తి వ్య‌క్తం చేశాడు. లాహోర్ క్వాలండ‌ర్స్ త‌మ ఎక్స్ ఖాతాలో పోస్ట్ చేసిన ఈ వీడియో నెట్టింట వైర‌ల‌వుతోంది.
