Visit:
బెంగుళూరు: ఈ యేటి ఐపీఎల్ కోసం రాయ‌ల్ ఛాలెంజ‌ర్స్ బెంగుళూరు జ‌ట్టుకు కొత్త కెప్టెన్‌ను నియ‌మించింది. ర‌జ‌త్ పటిదార్(Rajat Patidar)ను కొత్త సార‌ధిగా నియ‌మిస్తూ ఆర్సీబీ ప్ర‌క‌ట‌న చేసింది. ర‌జ‌త్ పటిదార్ నియామ‌కాన్ని .. విరాట్ కోహ్లీ ఆమోదించాడు. విరాట్ ఓ వీడియో సందేశాన్ని ఇచ్చాడు. ఆ వీడియోను ఆర్సీబీ త‌న ట్వీట్‌లో పోస్టు చేసింది. త‌న‌తో పాటు జ‌ట్టు స‌భ్యులు అంద‌రూ ర‌జ‌త్‌కు అండ‌గా ఉండ‌నున్న‌ట్లు ఆ వీడియో సందేశంలో కోహ్లీ తెలిపాడు. నువ్వు ఎదిగిన తీరు హ‌ర్ష‌ణీయ‌మ‌ని, అద్భుత‌మైన ప‌ర్ఫార్మెన్స్ ఇచ్చావ‌ని, ఆర్సీబీ అభిమానుల గుండెల్లో ప్ర‌త్యేక స్థానాన్ని సంపాదించుకున్నావ‌ని ప‌టిదార్‌ను కోహ్లీ మెచ్చుకున్నాడు.
A new chapter begins for RCB and we couldn’t be more excited for Ra-Pa! 🤩
From being scouted for two to three years before he first made it to RCB in 2021, to coming back as injury replacement in 2022, missing out in 2023 due to injury, bouncing back and leading our middle… pic.twitter.com/gStbPR2fwc
— Royal Challengers Bengaluru (@RCBTweets) February 13, 2025
ఆర్సీబీకి ఇప్ప‌టి వ‌ర‌కు ఏడు మంది కెప్టెన్లుగా చేశారు. ర‌జ‌త్ పటిదార్ ఇప్పుడు ఎనిమిదో వ్య‌క్తి అయ్యాడు. 2008 సీజ‌న్‌కు రాహుల్ ద్రావిడ్‌, 2009 సీజ‌న్‌కు కెవిన్ పీట‌ర్స‌న్‌, 2009-10 సీజ‌న్‌కు అనిల్ కుంబ్లే, 2011-12 సీజ‌న్‌కు డానియ‌ల్ వెటోరి, 2011-2023 వ‌ర‌కు విరాట్ కోహ్లీ, 2017 సీజ‌న్‌లో షేన్ వాట్సన్‌, 2022-2024 మ‌ధ్య డూప్లిసిస్ ఆర్సీబీ కెప్టెన్లుగా చేశారు.
ఇటీవ‌ల ముగిసిన స‌య్య‌ద్ ముస్తాక్ అలీ ట్రోఫీ, విజ‌య్ హ‌జారే ట్రోఫీలో మ‌ధ్య‌ప్ర‌దేశ్ జ‌ట్టుకు సార‌ధిగా పటిదార్ బాధ్య‌త‌లు నిర్వ‌ర్తించాడు. స‌య్య‌ద్ ముస్తాక్ అలీ ట్రోఫీలో మ‌ధ్య‌ప్ర‌దేశ్ ఫైన‌ల్ వ‌ర‌కు వెళ్లింది. ఫైన‌ల్లో ఆ జ‌ట్టు ముంబై చేతిలో ఓడింది. ఆ టీ20 టోర్నీలో అత్య‌ధిక ర‌న్స్ చేసిన రెండో బ్యాట‌ర్‌గా నిలిచాడు. 10 మ్యాచుల్లో అత‌ను 428 స్కోర్ చేశాడు. 196 స్ట్ర‌యిక్ రేటుతో స‌గ‌టును 61 ర‌న్స్ స్కోర్ చేశాడు. ఆర్సీబీ కెప్టెన్‌గా మ‌ళ్లీ కోహ్లీ బాద్య‌త‌లు చేప‌ట్టే అవ‌కాశాలు ఉన్న‌ట్లు ఊహాగానాలు వినిపించాయి. కానీ ఆర్సీబీ త‌న నిర్ణ‌యంతో ఫ్యాన్స్‌కు షాక్ ఇచ్చింది.
𝐊𝐢𝐧𝐠 𝐊𝐨𝐡𝐥𝐢 𝐀𝐩𝐩𝐫𝐨𝐯𝐞𝐬! 💌
“Myself and the other team members will be right behind you, Rajat”: Virat Kohli
“The way you have grown in this franchise and the way you have performed, you’ve made a place in the hearts of all RCB fans. This is very well deserved.”… pic.twitter.com/dgjDLm8ZCN
— Royal Challengers Bengaluru (@RCBTweets) February 13, 2025
