అన్నాదమ్ముళ్లు అదరగొట్టారు! భారత జాతీయ జట్టులో చోటు దక్కించుకునేందుకు చాన్నాళ్లుగా ఎదురుచూస్తున్న మిడిలార్డర్ బ్యాటర్ సర్ఫరాజ్ ఖాన్ భారత-‘ఎ’ జట్టు తరఫున భారీ సెంచరీతో కదంతొక్కితే.. అతడి తమ్ముడు ముషీర్ ఖాన్ అండర్-19 ప్రపంచకప్లో శతక్కొట్టాడు!
Musheer Khan | బ్లూమ్ఫాంటైన్: వన్డౌన్ బ్యాటర్ ముషీర్ ఖాన్ (118; 9 ఫోర్లు, 4 సిక్సర్లు) సెంచరీతో చెలరేగడంతో అండర్-19 ప్రపంచకప్లో భారత జట్టు వరుసగా రెండో విజయం నమోదు చేసుకుంది. గ్రూప్-‘ఎ’లో భాగంగా గురువారం జరిగిన పోరులో యువభారత్ 201 పరుగుల తేడాతో ఐర్లాండ్పై విజయం సాధించింది. ఫలితంగా గ్రూప్లో అగ్రస్థానం ఖాయం చేసుకున్న యంగ్ఇండియా సూపర్ సిక్స్కు అర్హత సాధించింది.
మొదట బ్యాటింగ్ చేసిన యువభారత్ 50 ఓవర్లలో 7 వికెట్లకు 301 పరుగులు చేసింది. ముషీర్తో పాటు కెప్టెన్ ఉదయ్ శరణ్ (75) రాణించాడు. అనంతరం లక్ష్యఛేదనలో ఐర్లాండ్ 29.4 ఓవర్లలో 100 పరుగులకు ఆలౌటైంది. మన బౌలర్లలో నమన్ తివారీ4, సామీ మూడు వికెట్లు పడగొట్టారు. ముషీర్కు ప్లేయర్ ఆఫ్ ది మ్యాచ్ అవార్డు దక్కింది. మరోవైపు ఇంగ్లండ్ లయన్స్తో జరుగుతున్న అనధికారిక టెస్టులో భారత్-‘ఎ’ తరఫున బరిలోకి దిగిన సర్ఫరాజ్ ఖాన్ (165; 18 ఫోర్లు, 5 సిక్సర్లు) భారీ సెంచరీతో దుమ్మురేపాడు.