WPL | నేటి నుంచి డబ్ల్యూపీఎల్‌ రెండో సీజన్‌.. తొలి పోరులో ముంబైతో ఢిల్లీ ఢీ

మహిళల ప్రీమియర్‌ లీగ్‌ (డబ్ల్యూపీఎల్‌) రెండో సీజన్‌కు శుక్రవారం తెరలేవనుంది. డిఫెండింగ్‌ చాంపియన్‌ ముంబై ఇండియన్స్‌తో రన్నరప్‌ ఢిల్లీ క్యాపిటల్స్‌ తొలి మ్యాచ్‌లో తలపడనుంది. మొత్తం ఐదు జట్లు (ఢిల్లీ, గుజరాత్‌, ముంబై, బెంగళూరు, యూపీ) పాల్గొంటున్న ఈ లీగ్‌.. గ్రూప్‌ దశలో 20 మ్యాచ్‌లు జరగనున్నాయి.

• అమ్మాయిల పొట్టి పోరు

WPL | బెంగళూరు: మహిళల ప్రీమియర్‌ లీగ్‌ (డబ్ల్యూపీఎల్‌) రెండో సీజన్‌కు శుక్రవారం తెరలేవనుంది. డిఫెండింగ్‌ చాంపియన్‌ ముంబై ఇండియన్స్‌తో రన్నరప్‌ ఢిల్లీ క్యాపిటల్స్‌ తొలి మ్యాచ్‌లో తలపడనుంది. మొత్తం ఐదు జట్లు (ఢిల్లీ, గుజరాత్‌, ముంబై, బెంగళూరు, యూపీ) పాల్గొంటున్న ఈ లీగ్‌.. గ్రూప్‌ దశలో 20 మ్యాచ్‌లు జరగనున్నాయి. తొలి మ్యాచ్‌ రాత్రి 8 గంటలకు ప్రారంభం కానుండగా.. మిగిలిన మ్యాచ్‌లన్నీ 7.30 నుంచి మొదలవుతాయి. నిరుడు జరిగిన డబ్ల్యూపీఎల్‌ మంచి ప్రజాదరణ దక్కించుకోగా.. ఈ సారి బెంగళూరు, ఢిల్లీలో మ్యాచ్‌లు నిర్వహించనున్నారు.

గత డబ్ల్యూపీఎల్‌తో మెరిసిన వారిలో శ్రేయాంక పాటిల్‌, టిటాస్‌ సధు వంటి వాళ్లు ఇటీవల జాతీయ జట్టు తరఫున అవకాశం దక్కించుకోగా.. ఈ సారి తమ వంతుకోసం యంగ్‌ ప్లేయర్స్‌ ఎదురుచూస్తున్నారు. టీమ్‌ఇండియా స్టార్లు హర్మన్‌ప్రీత్‌కౌర్‌, స్మృతి మంధన, జెమీమా రోడ్రిగ్స్‌, షఫాలీ వర్మ, దీప్తి శర్మతో పాటు.. అంతరాతీయ స్టార్లు అలీసా హీలీ, లానింగ్‌, అమేలియా కెర్‌,్ర మాత్యూస్‌, స్కీవర్‌, చమరీ ఆటపట్టు ఈ లీగ్‌లో భాగం కాబోతున్నారు.