లక్ష్యసేన్‌, గాయత్రి ద్వయం ముందంజ

ఇండోనేషియా ఓపెన్‌ సూపర్‌ 1000 టోర్నమెంట్‌లో భారత షట్లర్లకు మిశ్రమ ఫలితాలు దక్కాయి. పురుషుల సింగిల్స్‌లో లక్ష్యసేన్‌, ప్రియాన్షు రజావత్‌ ముందంజ వేయగా కిరణ్‌ జార్జి, హెచ్‌ఎస్‌ ప్రణయ్‌ తొలి రౌండ్‌లోనే ఇంటిబాట పట్టారు. మహిళల డబుల్స్‌లో త్రిసా-గాయత్రి ద్వయం రెండో రౌండ్‌కు దూసుకెళ్లింది.

• ఇండోనేషియా ఓపెన్‌

జకర్తా: ఇండోనేషియా ఓపెన్‌ సూపర్‌ 1000 టోర్నమెంట్‌లో భారత షట్లర్లకు మిశ్రమ ఫలితాలు దక్కాయి. పురుషుల సింగిల్స్‌లో లక్ష్యసేన్‌, ప్రియాన్షు రజావత్‌ ముందంజ వేయగా కిరణ్‌ జార్జి, హెచ్‌ఎస్‌ ప్రణయ్‌ తొలి రౌండ్‌లోనే ఇంటిబాట పట్టారు. మహిళల డబుల్స్‌లో త్రిసా-గాయత్రి ద్వయం రెండో రౌండ్‌కు దూసుకెళ్లింది.

లక్ష్యసేన్‌.. 21-12, 21-17తో త్సునెయమను ఓడించగా రజావత్‌.. 21-17, 21-12తో ప్రణయ్‌ను చిత్తుచేశాడు. మహిళల డబుల్స్‌ తొలి రౌండ్‌లో గాయత్రి జంట.. 21-15, 21-11 తో యు పి చెంగ్‌-యు పి హ్సింగ్‌ సన్‌ను మట్టికరిపించింది. మిక్స్‌డ్‌ డబుల్స్‌లో సుమిత్‌ రెడ్డి- సిక్కి రెడ్డి.. 18-21, 21-16, 21-17తో విన్సన్‌ చివు – జెన్నీ గయ్‌ (అమెరికా)పై విజయం సాధించారు.