ఒక ఆట ఒలింపిక్‌ స్పోర్ట్‌గా ఎలా గుర్తింపు పొందుతుందో తెలుసా?

ప్ర‌పంచంలోనే అతిపెద్ద స్పోర్టింగ్ ఈవెంట్ ఒలింపిక్స్ మ‌రో 9 రోజుల్లో ప్రారంభం కానున్నాయి. ప్ర‌పంచంలోని న‌లుమూలల నుంచి వేలాది మంది అథ్లెట్లు పాల్గొనే అత్యున్న‌త క్రీడా వేదిక ఒలింపిక్స్‌. ఈసారి జ‌పాన్ రాజ‌ధాని టోక్యో ఒలింపిక్స్‌కు ఆతిథ్య‌మిస్తోంది. గ‌తేడాదే జ‌ర‌గాల్సిన ఈ గేమ్స్ క‌రోనా కార‌ణంగా ఈ ఏడాది జులై 23కు వాయిదా ప‌డ్డాయి. ఈసారి కూడా ప‌రిస్థితి అలాగే ఉండటంతో అభిమానులు లేకుండానే గేమ్స్ జ‌రుగుతున్నాయి. ఈ నేప‌థ్యంలో ఈ మెగా ఈవెంట్‌కు సంబంధించిన కొన్ని ఆస‌క్తిక‌ర‌మైన విష‌యాల‌ను తెలుసుకోండి.

• ప్రాచీన‌ ఒలింపిక్స్ తొలిసారి క్రీస్తుపూర్వం 776లో గ్రీకు దేవ‌త జ్యూస్ గౌర‌వార్థం జ‌రిగాయి.
• ఇక తొలి ఆధునిక ఒలింపిక్స్ కూడా గ్రీస్‌లోని ఏథేన్స్‌లో 1896లో జ‌రిగాయి.
• ఒలింపియా అనే సిటీలో తొలిసారి జ‌రిగాయి కాబ‌ట్టి వీటికి ఒలింపిక్స్ అనే పేరు వ‌చ్చింది.
• ఆధునిక ఒలింపిక్స్ పితామ‌హుడిగా పియెరె డి కూబెర్టిన్‌ను అభివ‌ర్ణిస్తారు.
• కూబెర్టినే 1894లో ఇంట‌ర్నేష‌న్ ఒలింపిక్ క‌మిటీని స్విట్జ‌ర్లాండ్‌లోని లాసానెలో ఏర్పాటు చేశారు.
• ఒలింపిక్స్ నినాదం సిటియ‌స్‌-ఆల్టియ‌స్‌-పోర్టియ‌స్ (వేగం-ఉన్న‌తం-బ‌లం)
• ఒలింపిక్స్‌లోని ఐదు ఖండాల‌కు సూచిక‌గా ఉన్న ఐదు రింగులు ఎరుపు, నీలం, ఆకుప‌చ్చ‌, ప‌సుపు ప‌చ్చ‌, న‌లుపు రంగుల్లో ఉంటాయి.
• తొలిసారి ఒలింపిక్స్ ఓపెనింగ్ సెర్మ‌నీ 1908 లండ‌న్ గేమ్స్‌లో జ‌రిగింది.
• ఒలింపిక్స్ ఓపెనింగ్ సెర్మ‌నీలో ఎప్పుడూ అన్ని టీమ్స్ కంటే ముందు గ్రీస్ ఉంటుంది. చివ‌రి టీమ్‌గా ఆతిథ్య దేశం ఉంటుంది.
• 1916, 1940, 1944ల‌లో ప్ర‌పంచ యుద్ధాల కార‌ణంగా ఒలింపిక్స్ జ‌ర‌గ‌లేదు.
• మ‌హిళ‌లు తొలిసారి 1900లో పారిస్ గేమ్స్‌లో పాల్గొన్నారు.
• 1896లో జ‌రిగిన తొలి ఒలింపిక్స్‌లో అత్య‌ధికంగా గ్రీస్ 47 మెడ‌ల్స గెలిచింది.
• ఒలింపిక్ జ్యోతి తొలిసారిగా 1928 ఆమ్‌స్ట‌ర్‌డ్యామ్ గేమ్స్‌లో కనిపించింది.
• ఇప్ప‌టి వ‌ర‌కూ రెండేసిసార్లు ఒలింపిక్స్‌ను నిర్వ‌హించిన న‌గ‌రాల లిస్ట్‌లో ఏథేన్స్ (1896, 2004), పారిస్ (1900, 1924), లాస్ ఏంజిల్స్ (1932, 1984) ఉన్నాయి.
• లండ‌న్ (1908, 1948, 2012) మూడుసార్లు ఒలింపిక్స్‌కు ఆతిథ్య‌మిచ్చింది.
• అత్య‌ధికంగా అమెరికా నాలుగుసార్లు ఒలింపిక్స్‌కు ఆతిథ్య‌మిచ్చింది.
• ఒక క్రీడ ఒలింపిక్ స్పోర్ట్‌గా అర్హ‌త సాధించాలంటే దానిని పురుషులైతే క‌నీసం నాలుగు ఖండాల్లోని 75 దేశాల్లో ఆడుతుండాలి. ఇక మ‌హిళ‌లైతే మూడు ఖండాల్లోని 40 దేశాలు ఆడుతుండాలి.