డీపీఎస్‌లో జాతీయ ఆర్చరీ టోర్నీ షురూ

ఇంటర్‌-డీపీఎస్‌ జాతీయ స్థాయి ఆర్చరీ చాంపియన్‌షిప్‌ శనివారం ఢిల్లీ పబ్లిక్‌ స్కూల్‌(డీపీఎస్‌) కొల్లురూలో ఘనంగా మొదలైంది. వరుసగా మూడో ఏడాది కొల్లూరు జాతీయ స్థాయి పోటీలకు ఆతిథ్యమిస్తున్నది.

హైదరాబాద్‌, ఆట ప్రతినిధి : ఇంటర్‌-డీపీఎస్‌ జాతీయ స్థాయి ఆర్చరీ చాంపియన్‌షిప్‌ శనివారం ఢిల్లీ పబ్లిక్‌ స్కూల్‌(డీపీఎస్‌) కొల్లురూలో ఘనంగా మొదలైంది. వరుసగా మూడో ఏడాది కొల్లూరు జాతీయ స్థాయి పోటీలకు ఆతిథ్యమిస్తున్నది. దేశ వ్యాప్తంగా ఉన్న యువ ఆర్చర్లను ప్రోత్సహించడం, వారి నైపుణ్యాలను జాతీయ టోర్నీలో ప్రదర్శించేందుకు మంచి అవకాశమని నిర్వాహకులు పేర్కొన్నారు.

ఈ కార్యక్రమంలో స్కూల్‌ వైస్‌ చైర్మన్‌ భీమ్‌సేన్‌, ప్రిన్సిపాల్‌ వసంత పాల్గొన్నారు. రెండు రోజుల పాటు జరిగే టోర్నీలో 17 రాష్ర్టాల నుంచి వివిధ డీపీఎస్‌లకు చెందిన దాదాపు 200 మంది ప్లేయర్లు అండర్‌-10, 13, 15, 17 విభాగాల్లో పోటీపడనున్నారు.