న్యూఢిల్లీ: భారత యువ టెన్నిస్ ప్లేయర్ సుమిత్ నాగల్.. ఆస్ట్రియన్ చాలెంజర్ టోర్నీ ఫైనల్కు దూసుకెళ్లాడు. శుక్రవారం జరిగిన పురుషుల సింగిల్స్ సెమీఫైనల్లో నాగల్ 7-6, 6-3తో టాప్ సీడ్ అల్బర్ట్ రామోస్ (స్పెయిన్)పై విజయం సాధించాడు.
ప్రస్తుతం ప్రపంచ ర్యాంకింగ్స్లో 189వ స్థానంలో కొనసాగుతున్న నాగల్.. సెమీఫైనల్లో సంపూర్ణ ఆధిపత్యం కనబరుస్తూ వరల్డ్ 88వ ర్యాంకర్ను మట్టి కరిపించడం విశేషం. అల్బర్ట్పై నాగల్కు ఇది రెండో విజయం కాగా.. ఆస్ట్రియన్ చాలెంజర్ టోర్నీలో ఫైనల్ చేరడం ఇదే తొలిసారి. శనివారం జరుగనున్న తుదిపోరులో కొబోలి (ఇటిలీ)తో నాగల్ అమీతుమీ తేల్చుకోనున్నాడు.