పట్టు చిక్కింది!
టాపార్డర్ బ్యాటర్లు అదరగొట్టగా న్యూజిలాండ్తో జరుగుతున్న తొలి టెస్టుపై భారత్ పట్టు బిగించింది. ఓపెనర్ కేఎల్ రాహుల్ (290 బంతుల్లో 9 ఫోర్లు, 2 సిక్స్లతో 136) రికార్డు శతకం బాదగా కెప్టెన్ గిల్ (146 బంతుల్లో 9 ఫోర్లు, 2 సిక్స్లతో 98) రెండు పరుగులతో సెంచరీ మిస్ చేసుకున్నా ఫస్ట్ టెస్టు మూడో రోజు ఆట ముగిసే సమయానికి టీమిండియా 4 వికెట్ల నష్టానికి 486 రన్స్ చేసి టెస్టును శాసించే స్థితికి చేరింది.
- టాపార్డర్ జోరుతో తొలి టెస్టును శాసించే స్థితిలో భారత్
- కేఎల్ రాహుల్ రికార్డు శతకం
- రెండు పరుగులతో గిల్ సెంచరీ మిస్
- రాణించిన పడిక్కల్, పంత్
- ఫస్ట్ ఇన్నింగ్స్లో 118 రన్స్ ఆధిక్యం
వెల్లింగ్టన్: టాపార్డర్ బ్యాటర్లు అదరగొట్టగా న్యూజిలాండ్తో జరుగుతున్న తొలి టెస్టుపై భారత్ పట్టు బిగించింది. ఓపెనర్ కేఎల్ రాహుల్ (290 బంతుల్లో 9 ఫోర్లు, 2 సిక్స్లతో 136) రికార్డు శతకం బాదగా కెప్టెన్ గిల్ (146 బంతుల్లో 9 ఫోర్లు, 2 సిక్స్లతో 98) రెండు పరుగులతో సెంచరీ మిస్ చేసుకున్నా ఫస్ట్ టెస్టు మూడో రోజు ఆట ముగిసే సమయానికి టీమిండియా 4 వికెట్ల నష్టానికి 486 రన్స్ చేసి టెస్టును శాసించే స్థితికి చేరింది. ఈ ఇద్దరికి తోడు దేవ్దత్ పడిక్కల్ (175 బంతుల్లో 10 ఫోర్లతో 80), రిషభ్ పంత్ (62 బంతుల్లో 5 ఫోర్లు, 2 సిక్స్లతో 55 బ్యాటింగ్) ఫిఫ్టీ ప్లస్ స్కోర్లతో మెరిసిన వేళ తొలి ఇన్నింగ్స్లో భారత్ ఇప్పటికే 118 పరుగుల కీలక ఆధిక్యం సాధించింది. కివీస్ బౌలర్లు రోజంతా బౌలింగ్ చేసినా 3 వికెట్లు మాత్రమే తీయగలిగారు. నాలుగో రోజూ గిల్ సేన ఇదే జోరుతో లంచ్ వరకు బ్యాటింగ్ చేసి తర్వాత ప్రత్యర్థి జట్టులో వీలైనన్ని ఎక్కువ వికెట్లు తీయగల్గితే మ్యాచ్ భారత్ చేతిలోకొచ్చినట్టే!
రాహుల్ క్లాస్.. పడిక్కల్ నిలకడ
తొలి రెండ్రోజుల పాటు ఉదయం సెషన్లో బౌలర్లకు సహకరించిన పిచ్లో మూడో రోజూ అదేతీరుగా స్పందింస్తుందనకున్న న్యూజిలాండ్కు నిరాశే మిగిలింది. తొలిసారి న్యూజిలాండ్ గడ్డపై ఆడుతున్న రాహుల్, పడిక్కల్ ఏకాగ్రతతో బ్యాటింగ్ చేయడంతో ఫస్ట్ సెషన్లో బ్లాక్క్యాప్స్ బౌలర్ల పప్పులుడకలేదు. ఓవర్నైట్ స్కోరు 159/1తో నాలుగో రోజు ఆట కొనసాగించిన రాహుల్, పడిక్కల్ జోడీ.. తొలి సెషన్లో 27 ఓవర్లు ఆడి వికెట్లేమీ నష్టపోకుండా 80 రన్స్ చేసి ప్రత్యర్థి బౌలర్ల ఆశలపై నీళ్లు చల్లింది. అనసరపు షాట్ల జోలికి పోకుండా ఆడిన ఈ కర్నాటక బ్యాటింగ్ ద్వయం.. స్ట్రైక్ను రొటేట్ చేసుకుంటూ స్కోరును 200 మార్కు దాటించారు.
ఇదే క్రమంలో పడిక్కల్ అర్ధ శతకమూ పూర్తైంది. పేసర్లతో పని కాకపోవడంతో కివీస్ సారథి లాథమ్.. 57వ ఓవర్లో స్పిన్నర్ ఫిలిప్స్ను రంగంలోకి దించాడు. కానీ అప్పటికే క్రీజులో పాతుకుపోయిన రాహుల్ అతడి బౌలింగ్లో లాంగాన్ మీదుగా సూపర్ సిక్స్, ఫోర్తో 90ల్లోకి వచ్చాడు. లంచ్ తర్వాత డఫీ వేసిన ఓవర్లో సింగిల్తో తన కెరీర్లో 13వ సెంచరీని నమోదుచేశాడు. తద్వారా సేనా (సౌతాఫ్రికా, ఇంగ్లండ్, న్యూజిలాండ్, ఆస్ట్రేలియా) దేశాలపై సెంచరీ చేసిన నాలుగో భారత బ్యాటర్గా రికార్డులకెక్కాడు. పడిక్కల్ కూడా 80ల్లోకి చేరి వరుసగా మూడో టెస్టు సెంచరీ దిశగా సాగినట్టే అనిపించాడు. కానీ 81వ ఓవర్లో కొత్తబంతిని తీసుకున్న ఆతిత్య జట్టుకు 83వ ఓవర్లో జెమీసన్ బ్రేక్ఇచ్చాడు. అతడు పడిక్కల్ను బౌల్డ్ చేయడంతో 165 పరుగుల రెండో వికెట్ భాగస్వామ్యానికి తెరపడింది.

కెప్టెన్ జోరు.. పంత్ దూకుడు
పడిక్కల్ నిష్క్రమించే సమయానికి మెరుగైన స్థితిలో ఉన్న టీమిండియాకు కెప్టెన్ గిల్ రాకతో స్కోరుబోర్డు జోరందుకుంది. రాహుల్తో కలిసి మూడో వికెట్కు అతడు 91 రన్స్ జతచేశాడు. సెంచరీ తర్వాత రాహుల్ గేర్ మార్చగా గిల్ కూడా ధాటిగా ఆడాడు. టీ విరామం తర్వాత డఫీ బౌలింగ్లో సిక్స్తో గిల్ హాఫ్ సెంచరీ పూర్తైంది. అతడి బౌలింగ్లోనే రాహుల్ కూడా పాయింట్ మీదుగా చూడముచ్చటైన సిక్స్ కొట్టాడు. కానీ స్మిత్ 104వ ఓవర్లో బంతిని తప్పుగా అంచనా వేసి క్లీన్బౌల్డ్ అవడంతో భారత్ మూడో వికెట్ కోల్పోయింది.
అతడి స్థానంలో వచ్చిన పంత్.. ఆరంభంలో ఆచితూచి ఆడినా ఆ తర్వాత జూలు విదిల్చడంతో స్కోరుబోర్డు జోరందుకుంది. ఫిలిప్స్ ఓవర్లో బౌండరీతో గిల్ నైంటీస్లోకి వచ్చాడు. హెన్రీ ఓవర్లో రెండు బౌండరీలు బాదిన పంత్.. డఫీ బౌలింగ్లో 6, 6, 4 కొట్టడంతో గిల్ సేన ఆధిక్యం 100 పరుగులు దాటింది. అదే ఊపులో అతడు బౌండరీతో టెస్టుల్లో 22వ హాఫ్ సెంచరీని సాధించాడు. అయితే మ్యాచ్ ముగుస్తుందనగా డఫీ వేసిన ఆఖరి ఓవర్లో గిల్ క్లీన్బౌల్డ్ అవడంతో అతడి శతకం చేజారింది.
సంక్షిప్త స్కోర్లు
న్యూజిలాండ్: 368 ఆలౌట్
భారత్: 125 ఓవర్లకు 486/4 (రాహుల్ 136, గిల్ 98, జెమీసన్ 1/57, స్మిత్ 1/65)
Read Today's Latest Sports News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

