ఆరో టైటిల్‌ వేటలో.. నేటి నుంచే హాకీ ఆసియా చాంపియన్స్‌ ట్రోఫీ

ఆరు దేశాలు పాల్గొంటున్న ఆసియా చాంపియన్స్‌ ట్రోఫీ హాకీ టోర్నమెంట్‌కు రంగం సిద్ధమైంది. మంగళవారం నుంచి నవంబర్‌ 5 దాకా సాగే టోర్నీకి పంజాబ్‌లోని జలందర్‌, మొహాలీ ఆతిథ్యమివ్వనున్నాయి.

జలందర్‌ : ఆరు దేశాలు పాల్గొంటున్న ఆసియా చాంపియన్స్‌ ట్రోఫీ హాకీ టోర్నమెంట్‌కు రంగం సిద్ధమైంది. మంగళవారం నుంచి నవంబర్‌ 5 దాకా సాగే టోర్నీకి పంజాబ్‌లోని జలందర్‌, మొహాలీ ఆతిథ్యమివ్వనున్నాయి. తొలి రోజు రాత్రి 7 గంటలకు జరుగబోయే మ్యాచ్‌లో డిఫెండింగ్‌ చాంపియన్‌ భారత్‌.. బంగ్లాదేశ్‌తో తలపడనుంది.

భారత్‌, బంగ్లాతో పాటు జపాన్‌, చైనా, మలేషియా, సౌత్‌ కొరియా మిగతా జట్లుగా ఉన్నాయి. టైటిల్‌ ఫేవరెట్లుగా ఉన్న హర్మన్‌ప్రీత్‌ సింగ్‌ సేన.. టోర్నీలో ఆరో టైటిల్‌పై గురిపెట్టింది. గతంలో 2011, 2016, 2018, 2023, 2024లో భారత్‌ టైటిళ్లు గెలుచుకుంది. కాగా జాతీయ జట్టులో ఆడే ఆటగాళ్లలో ఎక్కువ భాగం పంజాబ్‌ ఆటగాళ్లున్నా ఆ రాష్ట్రం ఒక అంతర్జాతీయ మ్యాచ్‌కు ఆతిథ్యమివ్వనుండటం 17 ఏండ్ల తర్వాత ఇదే తొలిసారి కావడం గమనార్హం.