హ‌ర్లీన్ డియోల్ స్ట‌న్నింగ్ క్యాచ్‌.. వీడియో వైర‌ల్‌

కార్డిఫ్ : ఇంగ్లండ్‌తో జ‌రిగిన మ‌హిళ‌ల తొలి టీ20 మ్యాచ్‌లో ఇండియా 18 ర‌న్స్ తేడాతో ఓట‌మి పాలైంది. కానీ ఆ మ్యాచ్‌లో హ‌ర్లీన్ డియోల్ అందుకున్న క్యాచ్ క్రికెట్ ప్రేమికుల్ని తెగ అట్రాక్ట్ చేసింది. లాంగ్ ఆఫ్ బౌండ‌రీ వ‌ద్ద హ‌ర్లీన్ క్యాచ్ అందుకున్న తీరు ఆ మ్యాచ్‌కే హైలెట్‌. నిజానికి ఇండియ‌న్ ప్లేయ‌ర్ హ‌ర్లీన్ ఆ క్యాచ్ ప‌ట్టుకునేందుకు ఎంతో స‌మ‌య‌స్పూర్తిని ప్ర‌ద‌ర్శించింది. లాంగ్ ఆఫ్‌లో ఫీల్డింగ్ చేస్తున్న హ‌ర్లీన్.. ఇంగ్లండ్ బ్యాట్స్‌వుమెన్ అమీ ఎల్ల‌న్ జోన్స్ కొట్టిన షాట్‌ను గాలిలోకి ఎగిరి అందుకున్న‌ది. కానీ బ్యాలెన్స్ త‌ప్పి బౌండ‌రీ లైన్ దాటుతున్నట్లు గ‌మ‌నించిన హ‌ర్లీన్ త‌న చేతిలో ఉన్న బంతిని మైదానంలోకి విసిరింది. మ‌ళ్లీ బౌండ‌రీ రోప్ దాటి వ‌చ్చి.. డైవ్ చేస్తూ ఆ బంతిని అందుకుని అంద‌ర్నీ స్ట‌న్ చేసింది.

A fantastic piece of fielding 👏

We finish our innings on 177/7

Scorecard & Videos: https://t.co/oG3JwmemFp#ENGvIND pic.twitter.com/62hFjTsULJ

— England Cricket (@englandcricket) July 9, 2021

ఈ అద్భుత క్యాచ్‌కు సంబంధించిన వీడియోను ఇంగ్లండ్ క్రికెట్ త‌న ట్విట్ట‌ర్ అకౌంట్‌లో పోస్టు చేసింది. ఆ వీడియోపై మాజీ క్రికెట‌ర్ వీవీఎస్ ల‌క్ష్మ‌ణ్ ఓ కామెంట్ పోస్టు చేశారు. క్రికెట్ ఫీల్డ్‌లో ఇలాంటి క్యాచ్‌లు అరుదు అని, ఇదో టాప్ క్లాస్ క్యాచ్ అని ల‌క్ష్మ‌ణ్ ప్ర‌శంసించాడు. తొలుత ఇంగ్లండ్ నిర్ణీత 20 ఓవ‌ర్ల‌లో ఏడు వికెట్లు కోల్పోయి 177 ర‌న్స్ చేసింది. ఇక చేజింగ్‌కు దిగిన ఇండియా 8.4 ఓవ‌ర్ల‌లో మూడు వికెట్లు కోల్పోయిన 54 ర‌న్స్ చేసిన స‌మ‌యంలో వ‌ర్షం ఆట‌ను అడ్డుకున్న‌ది. డీఎల్ఎస్ ప‌ద్ధ‌తిలో ఇంగ్లండ్ 18 ర‌న్స్ తేడాతో విజయం సాధించింది. ఆదివారం రోజున రెండ‌వ టీ20 మ్యాచ్ హోవ్‌లోని కౌంటీ గ్రౌండ్‌లో జ‌ర‌గ‌నున్న‌ది.