GT vs RCB | టాస్ గెలిచిన గుజరాత్.. ఆర్సీబీకి అడ్డుందా..!

GT vs RCB : ప్లే ఆఫ్స్ రేసు ఉత్కంఠ రేపుతున్న వేళ గుజరాత్ టైటాన్స్‌(GT)ను రాయల్ ఛాలెంజర్స్ బెంగళూరు (RCB) ఢీ కొడుతోంది. హోరీహోరీ పోరు ఖాయమనిపిస్తున్న ఈ మ్యాచ్‌లో టాస్ గెలిచిన శుభ్‌మన్ గిల్ బౌలింగ్ తీసుకున్నాడు.

GT vs RCB : ప్లే ఆఫ్స్ రేసు ఉత్కంఠ రేపుతున్న వేళ గుజరాత్ టైటాన్స్‌(GT)ను రాయల్ ఛాలెంజర్స్ బెంగళూరు (RCB) ఢీ కొడుతోంది. అహ్మదాబాద్ నరేంద్ర మోడీ స్టేడియంలో జరుగుతున్న మ్యాచ్‌లో విజయంపై గుజరాత్ ధీమాతో ఉంది. కానీ, గత మ్యాచ్‌లో ఢిల్లీ క్యాపిటల్స్‌ను 75కే మడతపెట్టిన ఆర్సీబీ బౌలర్లు అదే ఊపులో గుజరాత్‌ బ్యాటింగ్ దళాన్ని పడగొట్టాలనే కసితో ఉన్నారు. హోరీహోరీ పోరు ఖాయమనిపిస్తున్న ఈ మ్యాచ్‌లో టాస్ గెలిచిన శుభ్‌మన్ గిల్ బౌలింగ్ తీసుకున్నాడు.

పంతొమ్మిదో సీజన్‌లో దుమ్మురేపుతున్న ఆర్సీబీ ఈసారి గుజరాత్ టైటాన్స్ భరతం పట్టేందుకు సిద్ధమమైంది. ఢిల్లీ గడ్డపై 8 పరుగులకే ఆరు వికెట్లు తీసిన భువనేశ్వర్, హేజిల్‌వుడ్‌ జోడీ అహ్మదాబాద్‌లోనూ వికెట్ల వేటతో ప్రత్యర్థిని దెబ్బతీయాలని భావిస్తోంది. ఏప్రిల్‌ 5న బెంగళూరు చేతిలో 43 పరుగుల తేడాతో చిత్తైన గుజరాత్ ప్రతీకారం తీర్చుకోవానుకుంటోంది.

🚨Toss update from Ahmedabad🚨@gujarat_titans won the toss and elected to bowl first against @RCBTweets

Updates ▶️ https://t.co/I5Hg8ybefh#TATAIPL | #KhelBindaas | #GTvRCB pic.twitter.com/450Bjfi6AI

— IndianPremierLeague (@IPL) April 30, 2026

ఆర్సీబీ తుది జట్టు : విరాట్ కోహ్లీ, జాకబ్ బెథెల్, పడిక్కల్, రజత్ పాటిదార్(కెప్టెన్), జితేశ్ శర్మ(వికెట్ కీపర్), టిమ్ డేవిడ్, రొమారియో, కృనాల్ పాండ్యా, భువనేశ్వర్, హేజిల్‌వుడ్, సుయాశ్ శర్మ.

ఇంప్యాక్ట్ సబ్స్ – రసిక్ దారు సలాం, జోర్డాన్ కాక్స్, మంగేశ్ యాదవ్, వికీ ఓత్స్వల్, వెంకటేశ్ అయ్యర్.

గుజరాత్ తుది జట్టు : శుభ్‌మన్ గిల్‌(కెప్టెన్), సాయి సుదర్శన్, బట్లర్(వికెట్ కీపర్), హోల్డర్, షారుక్ ఖాన్, సుందర్, అర్షద్ ఖాన్, రషీద్ ఖాన్, రబడ, సిరాజ్, మానవ్ సుతార్.

ఇంప్యాక్ట్ సబ్స్ – రాహుల్ తెవాటియా, గ్లెన్ ఫిలిప్స్, అనుజ్ రావత్, నిశాంత్ సింధు, కుల్వంత్ ఖెజ్రోలియా.

ప్రస్తుతం పాయింట్ల పట్టికలో రెండో స్థానంలో ఉన్న ఆర్సీబీ ఈ మ్యాచ్ గెలిస్తే 14 పాయింట్లతో అగ్రస్థానానికి దూసుకెళ్తుంది. అదే గుజరాత్ విజయం సాధిస్తే10 పాయింట్లతో ఐదో స్థానంలోనే కొసాగుతుంది. ఎటుచూసినా రెండు జట్లకు ఇది కీలకమైన గేమ్.