ENG vs SL: వన్డే వరల్డ్ కప్లో భాగంగా ఆడిన నాలుగుమ్యాచ్లలో మూడు ఓడి సెమీస్ రేసులో వెనుకబడ్డ ఇంగ్లండ్.. శ్రీలంకతో పోరులొ కూడా తడబడుతోంది. బెంగళూరులోని చిన్నస్వామి స్టేడియం వేదికగా జరుగుతున్న మ్యాచ్లో ఇంగ్లండ్.. 15 ఓవర్ల ఆట ముగిసే సమయానికి నాలుగు కీలక వికెట్లు కోల్పోయి కష్టాల్లో పడింది. సెమీస్ ఆశలు సజీవంగా ఉండాలంటే తప్పక గెలవాల్సిన మ్యాచ్లో ఇంగ్లీష్ జట్టు టాపార్డర్ విఫలమయ్యింది. ఆ జట్టు ఓపెనర్లు జానీ బెయిర్ స్టో (30), డేవిడ్ మలన్ (28) లతో పాటు వన్డౌన్లో వచ్చిన జో రూట్ (4), జోస్ బట్లర్ (8) కూడా పెవిలియన్ చేరాడు.
బెంగళూరు వేదికగా జరుగుతున్న ఈ మ్యాచ్లో ఇంగ్లండ్ తప్పక గెలవల్సిన పరిస్థితి నెలకొంది. ఇదివరకే మూడు మ్యాచ్లు ఓడిన ఇంగ్లండ్.. ఈ మ్యాచ్లో కూడా ఓడితే ఇక సెమీస్ ఆశలను వదులుకున్నట్టే అవుతోంది. టాప్- 3 బ్యాటర్లు నిష్క్రమించిన వేళ అనుభవజ్ఞులైన బెన్ స్టోక్స్, కెప్టెన్ జోస్ బట్లర్ మీదే ఇంగ్లండ్ ఆశలు పెట్టుకుంది. ఈ ఇద్దరూ నిష్క్రమిస్తే ఇంగ్లండ్ భారీ స్కోరు చేసే అవకాశాలు సన్నగిల్లుతాయి. 15 ఓవర్లు ముగిసేసరికి 77 పరుగులు చేసింది. స్టోక్స్ (4 నాటౌట్),లియామ్ లివింగ్స్టోన్ లు క్రీజులో ఉన్నారు.