ధినిధికి మరో కాంస్యం

యూత్‌ ఒలింపిక్‌ గేమ్స్‌లో భారత యువ స్విమ్మర్‌ ధినిధి దేశింగు సరికొత్త చరిత్ర సృష్టించింది. ఒకే ఎడిషన్‌లో రెండు వ్యక్తిగత పతకాలు నెగ్గిన భారత తొలి అథ్లెట్‌గా రికార్డుకెక్కింది.

డకార్‌ (సెనెగల్‌): యూత్‌ ఒలింపిక్‌ గేమ్స్‌లో భారత యువ స్విమ్మర్‌ ధినిధి దేశింగు సరికొత్త చరిత్ర సృష్టించింది. ఒకే ఎడిషన్‌లో రెండు వ్యక్తిగత పతకాలు నెగ్గిన భారత తొలి అథ్లెట్‌గా రికార్డుకెక్కింది. మహిళల 100 మీటర్ల ఫ్రీస్టయిల్‌ ఈవెంట్‌లో కాంస్య పతకం గెలిచిన ఈ 16 ఏండ్ల కర్ణాటక అమ్మాయి 200 మీటర్ల పోటీలనూ కాంస్య పతకాన్ని ముద్దాడింది. శుక్రవారం జరిగిన తుదిరేసును ధినిధి 2 నిమిషాల 02.28 సెకండ్లతో మూడో స్థానంతో ముగించింది.