IPL 2023 | చేజేతులా ఓడిన‌ హైద‌రాబాద్.. ఢిల్లీ రెండో విజ‌యం

ఐపీఎల్ 16వ సీజ‌న్‌లో మ‌రో ఉత్కంఠ పోరు. ఆఖ‌రి ఓవ‌ర్లో ఢిల్లీ క్యాపిట‌ల్స్‌ విజ‌యం న‌మోదు చేసింది. స‌న్‌రైజ‌ర్స్ హైద‌రాబాద్ ను 7 ప‌రుగుల‌ తేడాతో ఓడించింది. మ‌నీశ్ పాండే(34), అక్ష‌ర్ ప‌టేల్(34) రాణించ‌డంతో ఢిల్లీ 144 ప‌రుగులు చేసింది. స్వ‌ల్ప ల‌క్ష్య ఛేద‌న‌లో ఆది నుంచి హైద‌రాబాద్ త‌డ‌బ‌డింది. ఓపెన‌ర్ మ‌యాంక్ అగ‌ర్వాల్(49) ఆడినా మిగ‌తా బ్యాట‌ర్లు చేతులెత్తేయ‌డంతో ఓట‌మి త‌ప్ప‌లేదు.

IPL 2023 : ఐపీఎల్ 16వ సీజ‌న్‌లో మ‌రో ఉత్కంఠ పోరు. ఆఖ‌రి ఓవ‌ర్లో ఢిల్లీ క్యాపిట‌ల్స్‌ విజ‌యం న‌మోదు చేసింది. స‌న్‌రైజ‌ర్స్ హైద‌రాబాద్ ను 7 ప‌రుగుల‌ తేడాతో ఓడించింది. మ‌నీశ్ పాండే(34), అక్ష‌ర్ ప‌టేల్(34) రాణించ‌డంతో ఢిల్లీ 144 ప‌రుగులు చేసింది. స్వ‌ల్ప ల‌క్ష్య ఛేద‌న‌లో ఆది నుంచి హైద‌రాబాద్ త‌డ‌బ‌డింది. ఓపెన‌ర్ మ‌యాంక్ అగ‌ర్వాల్(49) ఆడినా మిగ‌తా బ్యాట‌ర్లు చేతులెత్తేయ‌డంతో ఓట‌మి త‌ప్ప‌లేదు.

టార్గెట్ పెద్ద‌ది కాదు. అయినా.. హైద‌రాబాద్ ఓపెన‌ర్లు ఆచితూడి ఆడారు. ప‌వ‌ర్ ప్లే త‌ర్వాత హైద‌రాబాద్ తొలి వికెట్ ప‌డింది. అన్రిచ్ నార్జ్ బౌలింగ్‌లో హ్యారీ బ్రూక్(7) స్వీప్ షాట్‌కు ప్ర‌య‌త్నించి బౌల్డ‌య్యాడు. ఆ త‌ర్వాత ఓపెన‌ర్ మ‌యాంక్ అగ‌ర్వాల్(49), ఇంపాక్ట్ ప్లేయ‌ర్ రాహుల్ త్రిపాఠి(15) స్కోర్ వేగం పెంచారు. ధాటిగా ఆడే క్ర‌మంలో మ‌యాంక్ ఔట‌య్యాడు. అక్క‌డితో వికెట్ల ప‌త‌నం మొద‌లైంది. రాణించాడు. ఇంపాక్ట్ ప్లేయ‌ర్ రాహుల్ త్రిపాఠి(15)ని ఇషాంత్ శర్మ పెవిలియ‌న్ పంపాడు. అభిషేక్ శ‌ర్మ‌(5)ను కుల్దీప్ ఔట్ చేశాడు. ఎయిడెన్ మ‌ర్‌క్రం(3)ను అక్ష‌ర్ బౌల్డ్ చేశాడు.హెన్రిచ్ క్లాసెన్(31), సుంద‌ర్(24) ఆరో వికెట్‌కు 41 ర‌న్స్ కొట్టారు. ఢిల్లీ బౌల‌ర్లలో అక్ష‌ర్ ప‌టేల్, అన్రిచ్ నార్జ్ రెండు వికెట్లు తీశారు. కుల్దీప్, అక్ష‌ర్ ఒక్కో వికెట్ ద‌క్కింది.

Here’s how @akshar2026 got his first wicket of the match 🔽

Follow the match ▶️ https://t.co/ia1GLIWu00 #TATAIPL | #SRHvDC pic.twitter.com/e51TQuovU0

— IndianPremierLeague (@IPL) April 24, 2023

సుంద‌ర్ మ్యాజిక్..

సొంత గ్రౌండ్‌లో స‌న్‌రైజ‌ర్స్ హైద‌రాబాద్ బౌల‌ర్లు చెల‌రేగారు. వాషింగ్ట‌న్ సుంద‌ర్ సూప‌ర్ బౌలింగ్‌తో ఢిల్లీ క్యాపిట‌ల్స్‌ని దెబ్బ‌కొట్టాడు. దాంతో, ఢిల్లీ 9 వికెట్ల న‌ష్టానికి 144 ర‌న్స్ చేసింది. మొద‌ట బ్యాటింగ్ తీసుకున్న‌ ఢిల్లీకి తొలి ఓవ‌ర్‌లోనే షాక్.. రెండో బంతికే ఓపెన‌ర్ ఫిలిఫ్ సాల్ట్(0)గోల్డెన్ డ‌కౌట‌య్యాడు. మిచెల్ మార్ష్(25)ను న‌ట‌రాజ్ ఎల్బీగా వెన‌క్కి పంపాడు. దాంతో, 39 ప‌రుగుల‌కే ఢిల్లీ రెండు వికెట్లు కోల్పోయింది. ఏడో ఓవ‌ర్‌లో వాషింగ్ట‌న్ సుంద‌ర్ మూడు వికెట్లు తీసి ఢిల్లీని దెబ్బ కొట్టాడు. డేవిడ్ వార్న‌ర్(21), స‌ర్ఫ‌రాజ్ ఖాన్ (10), అమ‌న్ ఖాన్(4)ల‌ను పెవిలియ‌న్ పంపాడు. ఆ త‌ర్వాత మ‌నీశ్ పాండే(34), అక్ష‌ర్ ప‌టేల్(34) ఆదుకున్నారు. ఆచితూచి ఆడి స్కోర్ వంద దాటించారు. హైద‌రాబాద్ బౌల‌ర్ల‌లో భువ‌నేశ్వ‌ర్ కుమార్ రెండు, న‌ట‌రాజ‌న్ ఒక వికెట్ తీశారు.