సింగిల్స్‌ విజేతలు యంగ్‌, అలెక్స్‌

భారత్‌ ఆతిథ్యమిచ్చిన ప్రపంచ బ్యాడ్మింటన్‌ చాంపియన్‌షిప్‌లో డిఫెండింగ్‌ చాంపియన్‌ అన్‌ సె యంగ్‌ (మహిళలు), అలెక్స్‌ లేనియర్‌ (పురుషులు) సింగిల్స్‌ విభాగాల్లో విజేతలుగా నిలిచారు. మహిళల సింగిల్స్‌ ఫైనల్స్‌లో దక్షిణ కొరియా అమ్మాయి, ప్రపంచ నంబర్‌ వన్‌ ర్యాంకర్‌ యంగ్‌.. 21-17, 21-14తో అకానె యమగుచి (జపాన్‌)ను వరుస గేమ్స్‌లో చిత్తుచేసి టైటిల్‌ను నిలబెట్టుకుంది.

• ముగిసిన బ్యాడ్మింటన్‌ చాంపియన్‌షిప్‌

ఢిల్లీ: భారత్‌ ఆతిథ్యమిచ్చిన ప్రపంచ బ్యాడ్మింటన్‌ చాంపియన్‌షిప్‌లో డిఫెండింగ్‌ చాంపియన్‌ అన్‌ సె యంగ్‌ (మహిళలు), అలెక్స్‌ లేనియర్‌ (పురుషులు) సింగిల్స్‌ విభాగాల్లో విజేతలుగా నిలిచారు. మహిళల సింగిల్స్‌ ఫైనల్స్‌లో దక్షిణ కొరియా అమ్మాయి, ప్రపంచ నంబర్‌ వన్‌ ర్యాంకర్‌ యంగ్‌.. 21-17, 21-14తో అకానె యమగుచి (జపాన్‌)ను వరుస గేమ్స్‌లో చిత్తుచేసి టైటిల్‌ను నిలబెట్టుకుంది. పురుషుల సింగిల్స్‌ ఫైనల్‌లో ఫ్రాన్స్‌ కుర్రాడు అలెక్స్‌.. 21-11, 21-11తో కొడాయ్‌ నరొక (జపాన్‌)ను చిత్తుగా ఓడించాడు. తద్వారా అతడు ఫ్రాన్స్‌ తరఫున ఈ టోర్నీ సింగిల్స్‌ విభాగంలో టైటిల్‌ నెగ్గిన తొలి షట్లర్‌గా రికార్డులకెక్కాడు.