BCCI | బీసీసీఐ వార్షిక‌ కాంట్రాక్టు.. హ‌ర్మ‌న్‌ప్రీత్‌, మంధాన‌, దీప్తికి ఏ గ్రేడ్

BCCI : మ‌హిళ‌ల ప్రీమియ‌ర్ లీగ్‌(డ‌బ్ల్యూపీఎల్ 2023) తొలి సీజ‌న్‌లో అద‌ర‌గొట్టిన మ‌హిళా క్రికెట‌ర్లకు తీపి క‌బురు. బీసీసీఐ తాజాగా సీనియ‌ర్ మ‌హిళా క్రికెట‌ర్ల వార్షిక కాంట్రాక్టు వివ‌రాలు వెల్ల‌డించింది. 2 గ్రేడ్ - ఏలో కెప్టెన్ హ‌ర్మ‌న్‌ప్రీత్ కౌర్(Harmanpreet Kaur), స్టార్ ఓపెన‌ర్ స్మృతి మంధాన‌(Smriti Mandhana), ఆల్‌రౌండ‌ర్ దీప్తి శ‌ర్మ(Deepti Sharma) ఉన్నారు.

April 27, 2023 / 05:13 PM IST

BCCI | బీసీసీఐ వార్షిక‌ కాంట్రాక్టు.. హ‌ర్మ‌న్‌ప్రీత్‌, మంధాన‌, దీప్తికి ఏ గ్రేడ్

BCCI : మ‌హిళ‌ల ప్రీమియ‌ర్ లీగ్‌(డ‌బ్ల్యూపీఎల్ 2023) తొలి సీజ‌న్‌లో అద‌ర‌గొట్టిన మ‌హిళా క్రికెట‌ర్లకు తీపి క‌బురు. ఈమ‌ధ్యే పురుష క్రికెట‌ర్ల‌కు కాంట్రాక్టు ప్ర‌క‌టించిన బీసీసీఐ తాజాగా సీనియ‌ర్ మ‌హిళా క్రికెట‌ర్ల వార్షిక కాంట్రాక్టు వివ‌రాలు వెల్ల‌డించింది. 2022-23 సీజ‌న్‌కు గానూ ఏ, బి, సి గ్రేడ్‌ల వారీగా కొంద‌రినీ ఎంపిక చేసింది. ఆయా గ్రేడ్‌ల‌లోని క్రికెట‌ర్ల పేర్ల‌ను బీసీసీఐ సెక్రెట‌రీ జై షా(Jay Shah) వెల్ల‌డించారు. గ్రేడ్ – ఏ కేట‌గిరీలో కెప్టెన్ హ‌ర్మ‌న్‌ప్రీత్ కౌర్(Harmanpreet Kaur), స్టార్ ఓపెన‌ర్ స్మృతి మంధాన‌(Smriti Mandhana), ఆల్‌రౌండ‌ర్ దీప్తి శ‌ర్మ(Deepti Sharma) ఉన్నారు. ఈ ముగ్గురికి ఈ ఏడాదికి రూ.50 ల‌క్ష‌లు ద‌క్క‌నున్నాయి. గ్రేడ్ – బిలో ఐదుగురు, గ్రేడ్ – సిలో 9 మంది క్రికెట‌ర్లు ఉన్నారు.

గ్రేడ్ -బి లో.. రేణుకా ఠాకూర్, జెమీమా రోడ్రిగ్స్, ష‌ఫాలీ వ‌ర్మ‌, రీచా ఘోష్‌, రాజేశ్వ‌రీ గైక్వాడ్ ఉన్నారు. ఈ సీజ‌న్లో వీళ్ల‌కు రూ. 30 ల‌క్ష‌లు ల‌భిస్తాయి. మేఘ్నా సింగ్, దేవికా వైద్య‌, స‌బ్బినేని మేఘ‌న‌, అంజ‌లీ స‌ర్వానీ, పూజా వ‌స్త్రాక‌ర్, స్నేహ్ రానా, రాధా యాద‌వ్, హ‌ర్లీన్ డియోల్, య‌స్తికా భాటియాకు సి- గ్రేడ్‌లో చోటు ద‌క్కింది. ఈ ఏడాది వీళ్ల‌కు రూ.10 ల‌క్ష‌లు అందుతాయి.

🚨 NEWS 🚨: BCCI announces annual player retainership 2022-23 – Team India (Senior Women). #TeamIndia

More Details 🔽https://t.co/C4wPOfi2EF

— BCCI Women (@BCCIWomen) April 27, 2023

గ్రేడ్ – ఏ (రూ. 50 ల‌క్ష‌లు) : 1. హ‌ర్మ‌న్‌ప్రీత్ కౌర్, 2. స్మృతి మంధాన‌, 3. దీప్తి శ‌ర్మ.

గ్రేడ్ – బి (రూ. 30 ల‌క్ష‌లు) : 1. రేణుకా ఠాకూర్, 2. జెమీమా రోడ్రిగ్స్, 3. ష‌ఫాలీ వ‌ర్మ, 4. రీచా ఘోష్‌, 5. రాజేశ్వ‌రీ గైక్వాడ్.

గ్రేడ్ – సి (రూ. 10 ల‌క్ష‌లు) : 1. మేఘ్నా సింగ్, 2. దేవికా వైద్య‌, 3. స‌బ్బినేని మేఘ‌న‌, 4. అంజ‌లీ స‌ర్వానీ, 5. పూజా వ‌స్త్రాక‌ర్, 6. స్నేహ్ రానా, 7. రాధా యాద‌వ్, 8. హ‌ర్లీన్ డియోల్, 9. య‌స్తికా భాటియా.