Messi-Barcelona | మెస్సీ కోసం.. ఆ ఇద్ద‌రిని వ‌దులుకోనున్న‌ బార్సిలోనా..!

వ‌ర‌ల్డ్ క‌ప్ హీరో, అర్జెంటీనా కెప్టెన్ లియోన‌ల్ మెస్సీ(Lionel Messi)తో మ‌ళ్లీ ఒప్పందం చేసుకునేందుకు బార్సిలోనా క్ల‌బ్(Barcelona) సిద్ధ‌ప‌డుతోంది. అత‌డిని భారీ ధ‌ర‌కు కొనుగోలు చేసేందుకు క‌స‌ర‌త్తు చేస్తోంది. ఈ స్టార్ ఆట‌గాడి కోసం ఇద్ద‌రు ఆట‌గాళ్ల‌ను సైతం వ‌దులుకునేందుకు ఆ క్లబ్ రెడీ అవుతున్న‌ట్టు తెలుస్తోంది.

March 10, 2023 / 07:50 PM IST

Messi-Barcelona | మెస్సీ కోసం.. ఆ ఇద్ద‌రిని వ‌దులుకోనున్న‌ బార్సిలోనా..!

Messi-Barcelona : వ‌ర‌ల్డ్ క‌ప్ హీరో, అర్జెంటీనా కెప్టెన్ లియోన‌ల్ మెస్సీ(Lionel Messi)తో మ‌ళ్లీ ఒప్పందం చేసుకునేందుకు బార్సిలోనా క్ల‌బ్(Barcelona) సిద్ధ‌ప‌డుతోంది. అత‌డిని భారీ ధ‌ర‌కు కొనుగోలు చేసేందుకు క‌స‌ర‌త్తు చేస్తోంది. ఈ స్టార్ ఆట‌గాడి కోసం ఇద్ద‌రు ఆట‌గాళ్ల‌ను సైతం వ‌దులుకునేందుకు ఆ క్లబ్ రెడీ అవుతున్న‌ట్టు తెలుస్తోంది. ఫార్వ‌ర్డ్ ప్లేయ‌ర్స్ ర‌ఫిన్హా, అన్సూమ‌నే ఫ‌తీల‌ను ఇత‌ర క్ల‌బ్స్‌కు అమ్మాల‌ని అనుకుంటోంద‌ట‌.

ప్ర‌స్తుతం మెస్సీ పీఎస్‌జీ క్ల‌బ్‌(PSG)కు ఆడుతున్నాడు. ఆ జ‌ట్టు ఛాంపియ‌న్స్ లీగ్ నుంచి నిష్క్ర‌మించింది. ఆ క్ల‌బ్‌తో అత‌డి కాంట్రాక్టు ఈ జూన్‌లో ముగుస్తుంది. దాంతో, ఈ స్టార్ ప్లేయ‌ర్‌తో ఒప్పందం చేసుకునేందుకు ప‌లు ఫుట్‌బాల్ క్ల‌బ్స్ ప్ర‌య‌త్నాలు చేస్తున్నాయి. అందుక‌ని మెస్సీని తిరిగి త‌మ క్ల‌బ్‌కు ఆడించాల‌ని బార్సిలోనా పావులు క‌దుపుతోంది. ఈ లెజెండ‌రీ ఫుట్‌బాల‌ర్ 2004లో బార్సిలోనాకు ఆడాడు.

ఎనిమిదేళ్ల నిరీక్ష‌ణ‌

ఫుట్‌బాల్ ఆట‌లో దిగ్గ‌జంగా పేరొందిన మెస్సీ వ‌ర‌ల్డ్ క‌ప్ క‌ల గ‌త ఏడాది నెర‌వేరింది. ఖ‌త‌ర్‌లో జ‌రిగిన వ‌ర‌ల్డ్ క‌ప్ (FIFA world cup) ఫైన‌ల్లో ఫ్రాన్స్‌పై అర్జెంటీనా 4-2తో గెలుపొందింది. దాంతో, మూడోసారి విశ్వ‌విజేత‌గా నిలిచింది. కెరీర్‌లో చివ‌రి వ‌ర‌ల్డ్ క‌ప్ ఆడుతున్న మెస్సీ ఈ మ్యాచ్‌లో రెండు గోల్స్ కొట్టాడు. మొత్తంగా టోర్న‌మెంట్‌లో ఏడు గోల్స్ సాధించాడు. 2014లో మెస్సీ సార‌థ్యంలోని అర్జెంటీనా ఫైన‌ల్ చేరింది. కానీ, జ‌ర్మ‌నీ క‌ప్పు ఎగ‌రేసుకుపోయింది. దాంతో, వ‌ర‌ల్డ్ క‌ప్ ట్రోఫీని ముద్దాడ‌డం కోసం మెస్సీ ఎనిమిదేళ్లు నిరీక్షించాల్సి వ‌చ్చింది.