BANvsNZ: కేన్ విలియ‌మ్స‌న్ సెంచ‌రీ.. అయినా కివీస్‌కు త‌ప్ప‌ని క‌ష్టాలు

BANvsNZ: తొలి ఇన్నింగ్స్‌లో బంగ్లాదేశ్‌ను 310 ప‌రుగుల‌కే క‌ట్ట‌డిచేసిన కివీస్.. ఆ త‌ర్వాత తాను కూడా స్పిన్ ఉచ్చులో చిక్కుకుని విల‌విల్లాడుతోంది. రెండో రోజు ఆట ముగిసేస‌మ‌యానికి న్యూజిలాండ్.. 84 ఓవ‌ర్లు ముగిసేస‌రికి 8 వికెట్ల న‌ష్టానికి 266 ప‌రుగులు చేసింది.

BANvsNZ: బంగ్లాదేశ్‌తో జ‌రుగుతున్న టెస్టు సిరీస్ రెండో రోజుకే ర‌స‌వ‌త్త‌రంగా మారింది. స్పిన్‌కు స‌హ‌క‌రిస్తున్న సిల్హెట్ స్టేడియంలో రెండో రోజు ఆట ముగిసే స‌మ‌యానికి న్యూజిలాండ్ కీల‌క వికెట్లు కోల్పోయి క‌ష్టాల్లో ప‌డింది. తొలి ఇన్నింగ్స్‌లో బంగ్లాదేశ్‌ను 310 ప‌రుగుల‌కే క‌ట్ట‌డిచేసిన కివీస్.. ఆ త‌ర్వాత తాను కూడా స్పిన్ ఉచ్చులో చిక్కుకుని విల‌విల్లాడుతోంది. రెండో రోజు ఆట ముగిసేస‌మ‌యానికి న్యూజిలాండ్.. 84 ఓవ‌ర్లు ముగిసేస‌రికి 8 వికెట్ల న‌ష్టానికి 266 ప‌రుగులు చేసింది. కివీస్ స్టార్ బ్యాట‌ర్ కేన్ విలియ‌మ్స‌న్.. 205 బంతుల్లో 11 బౌండ‌రీల సాయంతో 104 ప‌రుగులు చేశాడు.

ఓవ‌ర్ నైట్ స్కోరు 310-9 వ‌ద్దే రెండో రోజు ఆట మొద‌లుపెట్టిన బంగ్లా ప‌రుగులేమీ జోడించ‌కుండానే ఆలౌట్ అయింది. తొలి ఇన్నింగ్స్‌లో కివీస్ కూడా త‌డ‌బ‌డింది. ఓపెన‌ర్లు టామ్ లాథ‌మ్ (21), డెవాన్ కాన్వే (12)లు విఫ‌ల‌మ‌య్యారు. 44 ప‌రుగుల‌కే రెండు వికెట్లు కోల్పోయిన ద‌శ‌లో కేన్ విలియ‌మ్స‌న్.. హెన్రీ నికోల‌స్ (19)తో క‌లిసి మూడో వికెట్‌కు 54 ప‌రుగులు జోడించాడు. అయితే నికోల‌స్‌ను షోరిఫుల్ ఇస్లాం ఔట్ చేయ‌డంతో కివీస్ మూడో వికెట్ కోల్పోయింది.

 

Test century number 2️⃣9️⃣ for Kane Williamson! He becomes the first New Zealand player to score a century in four consecutive Tests and the second New Zealand player, behind Andrew Jones, to score a century in three consecutive Test innings 🏏#BANvNZ #CricketNation pic.twitter.com/1DA3TTMc0o

— BLACKCAPS (@BLACKCAPS) November 29, 2023

ఆ త‌ర్వాత వ‌చ్చిన డారెల్ మిచెల్ (54 బంతుల్లో 41, 3 ఫోర్లు, 1 సిక్స్)తో క‌లిసి కేన్ మామ.. నాలుగో వికెట్‌కు 66 ప‌రుగులు జోడించాడు. ఇన్నింగ్స్ కుదురుకుంటున్న త‌రుణంలో తైజుల్ ఇస్లాం కివీస్‌ను మ‌రోసారి దెబ్బ‌కొట్టాడు. మిచెల్‌ను ఔట్ చేయ‌డంతో కివీస్ క‌థ మ‌ళ్లీ మొద‌టికొచ్చింది. వికెట్ కీప‌ర్ టామ్ బ్లండెల్ (6) కూడా విఫ‌ల‌మ‌య్యాడు. ఏడో స్థానంలో వ‌చ్చిన గ్లెన్ ఫిలిప్స్.. 62 బంతులాడి 5 బౌండ‌రీలు, ఒక సిక్స‌ర్ సాయంతో 42 ప‌రుగులు చేసినా అత‌డు కూడా ఎక్కువ‌సేపు క్రీజులో నిల‌వలేదు. క్ర‌మం త‌ప్ప‌కుండా వికెట్లు ప‌డుతున్నా విలియ‌మ్స‌న్ మాత్రం ప‌ట్టుద‌ల‌గా బ్యాటింగ్ చేశాడు. మూడో సెష‌న్‌లో శ‌త‌కం పూర్తిచేసిన అత‌డు.. శ‌త‌కం ముగిసిన త‌ర్వాత నాలుగు ప‌రుగులే చేసి తైజుల్ ఇస్లాం బౌలింగ్‌లో క్లీన్ బౌల్డ్ అయ్యాడు. ఆట ముగిసే స‌మ‌యానికి కైల్ జెమీస‌న్ (7 నాటౌట్‌), టిమ్ సౌథీ (1 నాటౌట్‌) లు క్రీజులో ఉన్నారు. తొలి ఇన్నింగ్స్‌లో ఆ జ‌ట్టు ఇంకా 44 ప‌రుగులు వెనుక‌బ‌డే ఉంది.

కోహ్లీని స‌మం చేసిన కేన్ మామ..

టెస్టుల‌లో కేన్ మామ‌కు ఇది 29వ శ‌త‌కం. త‌ద్వారా అత‌డు భార‌త స్టార్ బ్యాట‌ర్ విరాట్ కోహ్లీతో పాటు ఆసీస్ దిగ్గ‌జం డాన్ బ్రాడ్‌మ‌న్ ల రికార్డు (29 శ‌త‌కాలు)ను సమం చేశాడు. అంత‌ర్జాతీయ క్రికెట్‌లో విలియ‌మ్స‌న్‌కు ఇది 42వ సెంచ‌రీ. ప్ర‌స్తుతం ఇంట‌ర్నేష‌న‌ల్ క్రికెట్‌లో యాక్టివ్ గా ఉన్న ప్లేయ‌ర్ల‌లో 40కి పైగా సెంచ‌రీలు చేసిన‌వారిలో కేన్ మామ ఆరో స్థానంలో ఉన్నాడు. కోహ్లీ (80), డేవిడ్ వార్న‌ర్ (48), జో రూట్ (46), రోహిత్ శ‌ర్మ (45), స్టీవ్ స్మిత్ (44)లు విలియ‌మ్స‌న్ కంటే ముందున్నారు.