ఆసీస్‌కు ఆధిక్యం.. రాణించిన కంగారూ పేసర్లు

దక్షిణాఫ్రికాతో జరుగుతున్న తొలి టెస్టుపై ఆస్ట్రేలియా పట్టు బిగిస్తోంది. తొలి ఇన్నింగ్స్‌లో 390 పరుగులు చేసిన ఆ జట్టు.. సౌతాఫ్రికాను 284 రన్స్‌కే ఆలౌట్‌ చేసి ఫస్ట్‌ ఇన్నింగ్స్‌లో 106 పరుగుల కీలక ఆధిక్యాన్ని దక్కించుకుంది.

డర్బన్‌: ఆసీస్‌ సారథి పాట్‌ కమిన్స్‌ (3/54)తో పాటు స్టార్క్‌, హాజిల్‌వుడ్‌, లియన్‌ చెరో రెండు వికెట్లు తీసి సఫారీలను నిలువరించారు. సౌతాఫ్రికా బ్యాటర్లలో బెడింగ్‌హమ్‌ (49) టాప్‌ స్కోరర్‌ కాగా లోయరార్డర్‌లో హర్మర్‌ (35 నాటౌట్‌), కేశవ్‌ (34) ఆ జట్టును ఆదుకున్నారు.

రెండో ఇన్నింగ్స్‌కు వచ్చిన ఆస్ట్రేలియా మూడో రోజు ఆట ముగిసే సమయానికి వికెట్లేమీ నష్టపోకుండా 33 రన్స్‌ చేసింది. మొత్తంగా కంగారూలు 139 పరుగుల ఆధిక్యంతో ఉన్నారు.