Davis Cup 2023 : ఆస్ట్రేలియా ఆటగాడు అలెక్సీ పొపైరిన్(Alexei Popyrin) కీలక పోరులో సత్తా చాటాడు. సెమీఫైనల్లో అతడు అద్భుత విజయం సాధించడంతో ఆస్ట్రేలియా ప్రతిష్ఠాత్మక డేవిస్ కప్(Davis Cup 2023) ఫైనల్లో అడుగుపెట్టింది. శనివారం జరిగిన సెమీఫైనల్లో 40వ ర్యాంకర్ అలెక్సీ.. ఒట్టో విర్టనెన్(ఫిన్లాండ్)పై గెలుపొందాడు. దాంతో, ఆసీస్ వరుసగా రెండోసారి టైటిల్ పోరుకు దూసుకెళ్లింది. నిరుడు కెనడా చేతిలో కంగుతిన్న ఆ జట్టు ఈసారి టైటిల్ అందుకోవాలనే పట్టుదలతో ఉంది. డేవిస్ కప్ ఫైనల్స్లో ఆస్ట్రేలియాకు 28-20 రికార్డు ఉండడం గమనార్హం. ఈ జాబితాలో అమెరికా (32-29) అగ్రస్థానంలో ఉంది.
టైటిల్ పోరులో ఆస్ట్రేలియా రెండో సెమీఫైనల్ ఈ మ్యాచ్ విజేతతో తలపడనుంది. సెమీస్లో ఇటలీ, సెర్బియా ఎదరుపడనున్నాయి. ఈ టోర్నీలో రికార్డు విజయాలు సాధించిన టాప్ సీడ్ జకోవిచ్ (సెర్బియా), జన్నిక్ సిన్నర్(ఇటలీ) మధ్య పోటీ ఆసక్తికరంగా ఉండనుంది. ఈవారంలోనే ఏటీపీ ఫైనల్స్లో జకో.. సిన్నర్ను చిత్తు చేసి రికార్డు స్థాయిలో ఏడో ట్రోఫీ గెలిచిన విషయం తెలిసిందే.