AUS Vs ENG | 149 సంవత్సరాల టెస్ట్‌ చరిత్రలో తొలిసారిగా.. మూడు ఇన్నింగ్స్‌లో జీరో స్కోర్‌కే వికెట్‌..!

AUS Vs ENG | యాషెస్ సిరీస్‌లో భాగంగా ఆస్ట్రేలియా-ఇంగ్లండ్‌ మధ్య పెర్త్‌లో జరుగుతున్నది. ఈ టెస్టులో శనివారం రెండోరోజు మూడు ఇన్నింగ్స్‌ జరుగుతున్నది. టాస్‌ గెలిచి మొదట బ్యాంటింగ్‌ చేసిన తొలి ఇన్నింగ్స్‌లో 172 పరుగులు చేసింది. ఆస్ట్రేలియా తొలి ఇన్నింగ్స్‌లో 132 పరుగులకే కుప్పకూలింది.

AUS Vs ENG | యాషెస్ సిరీస్‌లో భాగంగా ఆస్ట్రేలియా-ఇంగ్లండ్‌ మధ్య పెర్త్‌లో జరుగుతున్నది. ఈ టెస్టులో శనివారం రెండోరోజు మూడు ఇన్నింగ్స్‌ జరుగుతున్నది. టాస్‌ గెలిచి మొదట బ్యాంటింగ్‌ చేసిన తొలి ఇన్నింగ్స్‌లో 172 పరుగులు చేసింది. ఆస్ట్రేలియా తొలి ఇన్నింగ్స్‌లో 132 పరుగులకే కుప్పకూలింది. ఆ తర్వాత ఇంగ్లండ్‌ రెండో ఇన్నింగ్స్‌ ప్రారంభించింది. రెండో ఇన్నింగ్స్‌లో 164 పరుగులకు ఆలౌట్‌ అయ్యింది. తొలి టెస్టులో రెండోరోజు పలు రికార్డులు నమోదయ్యాయి. 149 సంవత్సరాల టెస్ట్ క్రికెట్ చరిత్రలో తొలిసారిగా మూడు ఇన్నింగ్స్‌లో సున్నా స్కోర్‌కే తొలి వికెట్‌ పడింది. ఇంగ్లండ్‌-ఆస్ట్రేలియా రెండూ తమ మొదటి ఇన్నింగ్స్‌లో సున్నా వద్ద మొదటి వికెట్‌ను కోల్పోయాయి. ఇంగ్లండ్‌ రెండో ఇన్నింగ్స్‌లోనూ సున్నా స్కోర్‌ వద్దే తొలి వికెట్‌ను కోల్పోయింది. మార్చి 1877లో టెస్ట్ క్రికెట్ ప్రారంభమైనప్పటి నుంచి 148 సంవత్సరాల 8 నెలల్లో ఇలా జరగడం ఇదే మొదటిసారి.

పెర్త్‌ టెస్ట్‌లో ఇంగ్లండ్‌ తొలి ఇన్నింగ్స్‌లో జాక్ క్రౌలీ రూపంలో తొలి దెబ్బను ఎదుర్కొంది. ఖాతా తెరవకుండానే అవుట్‌ అయ్యాడు. ఆ సమయంలో ఇంగ్లండ్‌ స్కోర్‌ సున్నా. ఆ తర్వాత, ఆస్ట్రేలియా తొలి ఇన్నింగ్స్‌లో జేక్ సైతం ఖాతా తెరకుండానే ఔటయ్యాడు. ఆ సమయంలోనూ ఆస్ట్రేలియా స్కోర్‌ సైతం సున్నానే. ఆ తర్వాత, ఇంగ్లండ్‌ రెండో ఇన్నింగ్స్‌లో రెండో రోజు జాక్ క్రౌలీ మళ్లీ ఖాతా తెరవకుండానే ఔటయ్యాడు. ఆ తర్వాత ఇంగ్లండ్‌ స్కోరు సున్నా. టెస్ట్ మ్యాచ్‌లో ఇలా జరుగడం తొలిసారి. యాషెస్ టెస్ట్‌లో రెండు ఇన్నింగ్స్‌లలో ఖాతా తెరవకుండానే ఔటైన నాల్గో ఇంగ్లీష్ బ్యాట్స్‌మన్ క్రౌలీ. ట్రెవర్ బేలిస్, డెన్నిస్ అమిస్, మైఖేల్ అథర్టన్ ఈ ఘనతను సాధించారు. ఓపెనింగ్ లేకుండానే ఔటైన ఇంగ్లీష్ బ్యాట్స్‌మెన్ . ఇంగ్లండ్ తొలి ఇన్నింగ్స్‌ను 32.5 ఓవర్లలో 172 పరుగులకు ఆలౌట్‌ అయ్యింది. ఆస్ట్రేలియా తొలి ఇన్నింగ్స్‌ను 45.2 ఓవర్లలో 132 పరుగులకు కుప్పకూలింది. రెండు ఇన్నింగ్స్‌లో మొత్తం 78.1 ఓవర్లు. యాషెస్ టెస్ట్‌లో ఇరు జట్లు ఆడిన రెండో అతి తక్కువ తొలి ఇన్నింగ్స్ ఇది. 1902లో మెల్‌బోర్న్‌లో జరిగిన యాషెస్ టెస్ట్‌లో ఆస్ట్రేలియా తొలి ఇన్నింగ్స్‌ను 32.1 ఓవర్లకు, ఇంగ్లాండ్ తొలి ఇన్నింగ్స్‌ను 15.4 ఓవర్ల మాత్రమే ఆడారు. రెండు ఇన్నింగ్స్‌లలో మొత్తం 47.5 ఓవర్లు ఆడాయి.

యాషెస్ చరిత్రలో ఇంగ్లండ్‌ కెప్టెన్లు ఆస్ట్రేలియా గడ్డపై చిరస్మరణీయ ప్రదర్శన చేశారు. ఈ జాబితాలో బెన్ స్టోక్స్ సైతం అద్భుతంగా బౌలింగ్ చేశాడు. పెర్త్ టెస్ట్ ఆస్ట్రేలియా తొలి ఇన్నింగ్స్‌లో ఐదు వికెట్లు పడగొట్టి కంగారుల పతనంలో కీలక పాత్ర పోషించాడు. 23 పరుగలకు ఐదు వికెట్ల తీశాడు. దాదాపు శతాబ్దం నాటి రికార్డును బద్దలుకొట్టాడు. ఈ జాబితాలో గబ్బీ అలెన్ (1936), జానీ డగ్లస్ (1912), ఫ్రెడ్డీ బ్రౌన్ (1951), బాబ్ విల్లిస్ (1982) తా జాబితాలో ముందున్నారు. యాషెస్‌లో తొలి ఇన్నింగ్స్‌లో రెండు జట్లు 200 కంటే తక్కువ పరుగులకే ఆలౌట్ కావడం చాలా అరుదు. చివరిసారిగా ఇది 1990-91 బ్రిస్బేన్ (గబ్బా) టెస్ట్‌లో ఇలాగే జరిగింది. ఆ సమయంలో ఇంగ్లండ్‌ 194 పరుగులకు, ఆస్ట్రేలియా 152 పరుగులకు ఆలౌట్ అయ్యాయి. తాజాగా పెర్త్‌ టెస్ట్‌లోనూ బ్యాట్స్‌మెన్‌ పరుగులు తీసేందుకు ఇబ్బందిపడ్డారు. బౌలర్ల ఆధిపత్యం కొనసాగింది. 132 పరుగుల స్కోరు 21వ శతాబ్దంలో ఆస్ట్రేలియా స్వదేశీ యాషెస్ టెస్ట్ చరిత్రలో రెండో అత్యల్ప మొదటి ఇన్నింగ్స్ స్కోరు. 2010-11 బాక్సింగ్ డే టెస్ట్ (మెల్‌బోర్న్)లో అత్యల్ప స్కోరు నమోదైంది. ఆ సమయంలో ఆస్ట్రేలియా కేవలం 98 పరుగులకే ఆలౌట్ అయింది.