SA Vs WI | సిరీస్‌ విండీస్‌దే.. రెండో టీ20లోనూ సఫారీల పరాభవం

స్వదేశంలో దక్షిణాఫ్రికాతో జరుగుతున్న మూడు మ్యాచ్‌ల టీ20 సిరీస్‌ను మరో మ్యాచ్‌ మిగిలుండగానే వెస్టిండీస్‌ కైవసం చేసుకుంది. ఆదివారం జరిగిన రెండో టీ20లో కరీబియన్‌ జట్టు మొదట బ్యాటింగ్‌ చేస్తూ నిర్ణీత 20 ఓవర్లలో 6 వికెట్లు కోల్పోయి 179 పరుగులు చేసింది.

SA Vs WI | ట్రినిడాడ్‌: స్వదేశంలో దక్షిణాఫ్రికాతో జరుగుతున్న మూడు మ్యాచ్‌ల టీ20 సిరీస్‌ను మరో మ్యాచ్‌ మిగిలుండగానే వెస్టిండీస్‌ కైవసం చేసుకుంది. ఆదివారం జరిగిన రెండో టీ20లో కరీబియన్‌ జట్టు మొదట బ్యాటింగ్‌ చేస్తూ నిర్ణీత 20 ఓవర్లలో 6 వికెట్లు కోల్పోయి 179 పరుగులు చేసింది. ఓపెనర్‌ షై హోప్‌ (22 బంతుల్లో 41, 2 ఫోర్లు, 4 సిక్సర్లు), కెప్టెన్‌ రొవ్మన్‌ పావెల్‌ (22 బంతుల్లో 35, 1 ఫోర్‌, 3 సిక్సర్లు) మెరుపులు మెరిపించారు.

ఛేదనలో దక్షిణాఫ్రికా 19.4 ఓవర్లలో 149 పరుగులకే ఆలౌట్‌ అయింది. రీజా హెండ్రిక్స్‌ (18 బంతుల్లో 44, 6 ఫోర్లు, 2 సిక్సర్లు), ట్రిస్టన్‌ స్టబ్స్‌ (28) రాణించినా మిడిలార్డర్‌ వైఫల్యంతో ఆ జట్టు తడబడింది. యువ పేసర్‌ షమర్‌ జోసెఫ్‌ (3/31), రొమారియో షెఫర్డ్‌ (3/15) ధాటికి సఫారీలు చేతులెత్తేశారు. తొలి టీ20లోనూ విండీస్‌ విజయం సాధించగా ఈ సిరీస్‌లో నామమాత్రమైన మూడో టీ20 బుధవారం జరుగనుంది.