అఫ్గాన్‌ క్రికెట్‌లో కొత్త చరిత్ర

కొన్నాళ్లుగా అంతర్జాతీయ స్థాయిలో నిలకడగా రాణిస్తున్న అఫ్గానిస్థాన్‌ తమ క్రికెట్‌ చరిత్రలో అత్యుత్తమ స్థాయికి చేరుకుంది.

• ఐసీసీ వన్డే ర్యాంకుల్లో తొలిసారి టాప్‌-6 లోకి

దుబాయ్‌: కొన్నాళ్లుగా అంతర్జాతీయ స్థాయిలో నిలకడగా రాణిస్తున్న అఫ్గానిస్థాన్‌ తమ క్రికెట్‌ చరిత్రలో అత్యుత్తమ స్థాయికి చేరుకుంది. తాజాగా ఆ జట్టు ఐసీసీ ప్రకటించిన వన్డే ర్యాంకింగ్స్‌లో మాజీ చాంపియన్లు ఇంగ్లండ్‌, శ్రీలంక, వెస్టిండీస్‌ వంటి మేటి జట్లను వెనక్కినెట్టి ఆరో స్థానానికి చేరుకుంది. 2009లో వన్డేల్లో అరంగేట్రం చేసిన కాబూలీలు.. ఇటీవలే ముగిసిన వన్డే సిరీస్‌లో 4-0తో ఐర్లాండ్‌ను చిత్తుచేయడంతో ఆ జట్టు ర్యాంకు మెరుగుపడింది. ఐసీసీ వన్డే ర్యాంకింగ్స్‌లో భారత్‌ 115 రేటింగ్‌ పాయింట్లతో అగ్రస్థానాన కొనసాగుతుండగా ఆ తర్వాత వరుసగా న్యూజిలాండ్‌, సౌతాఫ్రికా, పాకిస్థాన్‌, ఆస్ట్రేలియా అనంతరం అఫ్గానిస్థాన్‌ ఆరో స్థానానికి చేరింది.