హంజాపై 9 నెలల నిషేధం

దుబాయ్‌: దక్షిణాఫ్రికా బ్యాటర్‌ జుబేర్‌ హంజాపై ఐసీసీ 9 నెలల నిషేధం విధించింది. నిషిద్ధ ఉత్ప్రేరకాలు తీసుకున్న కారణంగా అతడిని ఆటకు దూరం చేసింది. ఈ ఏడాది జనవరి 17న హంజా నుంచి సేకరించిన శాంపిల్స్‌లో ఉత్ప్రేరకాలు తీసుకున్నట్లు తేలడంతో.. యాంటీ డోపింగ్‌ కోడ్‌ కింద చర్యలు తీసుకుంది. హంజా తన తప్పు అంగీకరించగా.. ఈ ఏడాది మార్చి 22 నుంచే నిషేధం అమలులోకి వచ్చినట్లు ఐసీసీ మంగళవారం ఒక ప్రకటనలో తెలిపింది. దక్షిణాఫ్రికా తరఫున 6 టెస్టులు, ఒక వన్డే ఆడిన 26 ఏండ్ల హంజా.. ఫిబ్రవరిలో న్యూజిలాండ్‌తో జరిగిన టెస్టులో చేసిన పరుగుల (25, 6)ను రికార్డుల నుంచి తొలిగిస్తున్నట్లు ఐసీసీ పేర్కొంది.