Redmi 9 Activ : రెడ్‌మీ 9 యాక్టివ్, 9ఏ స్పోర్ట్‌ సేల్స్ ప్రారంభ తేదీ ఫిక్స్.. స్పెసిఫికేష‌న్లు ఇవే

రెడ్‌మీ 9 యాక్టివ్, 9ఏ స్పోర్ట్‌ సేల్స్ | గ‌త సంవ‌త్స‌రం రెడ్‌మీ నుంచి 9 సిరీస్‌కు కొన‌సాగింపుగా రెడ్‌మీ 9 యాక్టివ్ ఫోన్‌ను రిలీజ్ చేస్తుండ‌గా

September 23, 2021 / 04:10 PM IST

Redmi 9 Activ : రెడ్‌మీ 9 యాక్టివ్, 9ఏ స్పోర్ట్‌ సేల్స్ ప్రారంభ తేదీ ఫిక్స్.. స్పెసిఫికేష‌న్లు ఇవే

జియోమీ త‌న రెడ్‌మీ సిరీస్‌లో భాగంగా.. 24 సెప్టెంబ‌ర్‌, 2021న అంటే శుక్ర‌వారం రెండు స్మార్ట్‌ఫోన్ల సేల్స్‌ను ఇండియాలో ప్రారంభించ‌నుంది. రెడ్‌మీ 9 యాక్టివ్‌, రెడ్‌మీ 9ఏ స్పోర్ట్ స్మార్ట్‌ఫోన్ల‌ను రెడ్‌మీ రిలీజ్ చేయ‌నుంది. గ‌త సంవ‌త్స‌రం రెడ్‌మీ నుంచి 9 సిరీస్‌కు కొన‌సాగింపుగా రెడ్‌మీ 9 యాక్టివ్ ఫోన్‌ను రిలీజ్ చేస్తుండ‌గా.. రెడ్‌మీ 9ఏకు కొన‌సాగింపుగా రెడ్‌మీ 9ఏ స్పోర్ట్ విడుద‌ల కానుంది. అమెజాన్, ఎంఐ.కామ్, ఎంఐ హోమ్ స్టోర్స్‌, ఎంఐ స్టూడియోలో రెండు ఫోన్ల‌ను కొనుగోలు చేయొచ్చు.

రెడ్‌మీ 9 యాక్టివ్ ఫీచ‌ర్లు

రెడ్‌మీ 9 యాక్టివ్ ఫోన్ ఫీచ‌ర్ల‌ను కంపెనీ అఫిషియ‌ల్‌గా ప్ర‌క‌టించ‌న‌ప్ప‌టికీ ఆ ఫోన్ ఫీచ‌ర్లు ఇవే ఉంటాయ‌ని టెక్ నిపుణులు చెబుతున్నారు. 4జీబీ ప్ల‌స్ 64 జీబీ, 6 జీబీ ప్ల‌స్ 64 జీబీ వేరియంట్ల‌లో ఫోన్ ల‌భించ‌నుంది. 6.53 ఇంచ్ హెచ్‌డీ ప్ల‌స్ డిస్‌ప్లే, ఆక్టాకోర్ మీడియాటెక్ హీలియో జీ35 ఎస్‌వోసీ ప్రాసెస‌ర్‌, డ్యుయ‌ల్ రేర్ కెమెరా సెట‌ప్‌, 13 ఎంపీ ప్రైమరీ సెన్సార్‌, 5000 ఎంఏహెచ్ బ్యాట‌రీ ఫీచ‌ర్ల‌తో ఈ ఫోన్ రానుంది.

రెడ్‌మీ 9ఏ స్పోర్ట్ ఫీచ‌ర్లు

2 జీబీ, 3 జీబీ ర్యామ్ వేరియంట్స్‌తో పాటు 32 జీబీ ఇంట‌ర్న‌ల్ స్టోరేజీతో 9ఏ స్పోర్ట్ ఫోన్ విడుద‌ల కానుంది. రెడ్‌మీ 9 డిస్‌ప్లేనే దీంట్లోనూ రానుంది. మీడియాటెక్ హీలియో జీ25 ఎస్‌వోసీ, 13 ఎంపీ రేర్ కెమెరా, 5 ఎంపీ సెల్ఫీ కెమెరా, 5000 ఎంఏహెచ్ బ్యాట‌రీ ఫీచ‌ర్ల‌తో రెడ్‌మీ 9ఏ స్పోర్ట్ విడుద‌ల కానుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి