Samsung Galaxy F42 5G : మీడియాటెక్ ప్రాసెస‌ర్‌తో రానున్న సామ్‌సంగ్ గెలాక్సీ ఎఫ్‌42.. రిలీజ్ డేట్ ఫిక్స్‌

మీడియాటెక్ ప్రాసెస‌ర్‌తో రానున్న సామ్‌సంగ్ గెలాక్సీ ఎఫ్‌42 | ప్ర‌ముఖ స్మార్ట్‌ఫోన్, ఎల‌క్ట్రానిక్స్ త‌యారీ బ్రాండ్ సామ్‌సంగ్‌ త్వ‌ర‌లోనే మ‌రో స‌రికొత్త స్మార్ట్‌ఫోన్‌ను

September 23, 2021 / 03:17 PM IST

Samsung Galaxy F42 5G : మీడియాటెక్ ప్రాసెస‌ర్‌తో రానున్న సామ్‌సంగ్ గెలాక్సీ ఎఫ్‌42.. రిలీజ్ డేట్ ఫిక్స్‌

ప్ర‌ముఖ స్మార్ట్‌ఫోన్, ఎల‌క్ట్రానిక్స్ త‌యారీ బ్రాండ్ సామ్‌సంగ్‌.. త్వ‌ర‌లోనే మ‌రో స‌రికొత్త స్మార్ట్‌ఫోన్‌ను ఇండియా మార్కెట్‌లోకి విడుద‌ల చేయ‌బోతోంది. ఇప్ప‌టికే సామ్‌సంగ్‌.. గెలాక్సీ సిరీస్ నుంచి వ‌స్తున్న ఎం52 5జీ ఫోన్‌ను సెప్టెంబ‌ర్ 28న రిలీజ్ చేస్తున్న‌ట్టు ప్ర‌క‌టించిన విష‌యం తెలిసిందే. అదే గెలాక్సీ సిరీస్ నుంచి ఎఫ్ 42 మోడ‌ల్ 5జీ ఫోన్‌ను సెప్టెంబ‌ర్ 29న రిలీజ్ చేస్తున్న‌ట్టు ప్ర‌క‌టించింది.

ఇప్ప‌టికే ఈ ఫోన్‌కు సంబందించిన ఫీచ‌ర్లను కూడా కంపెనీ విడుద‌ల చేసింది. గెలాక్సీ ఎఫ్‌42 5జీ ఫోన్‌లో ఫుల్ హెచ్‌డీ ప్ల‌స్ డిస్‌ప్లే, 90 హెచ్‌జెడ్ రీఫ్రెష్ రేట్‌, ట్రిపుల్ కెమెరా సెట‌ప్‌, 5000 ఎంఏహెచ్ బ్యాట‌రీ, 12 5జీ బ్యాండ్స్ లాంటి ఫీచ‌ర్లు ఈ ఫోన్‌లో ఉంటాయి.

సామ్‌సంగ్ ఎఫ్ సిరీస్‌లో వ‌స్తున్న మొద‌టి 5జీ ఫోన్‌, 2021 లో లాంచ్ చేసే ఐదో ఎఫ్ సిరీస్ ఫోన్ ఇది. ఫోన్ విడుద‌ల అయిన రోజు అంటే సెప్టెంబ‌ర్ 29న మ‌ధ్యాహ్నం 12 గంట‌ల నుంచి ఫోన్‌ను ఫ్లిప్‌కార్ట్ లేదా ఇత‌ర రిటైల్ ఔట్‌లెట్స్‌లో కొనుగోలు చేయొచ్చు. ప్ర‌స్తుతానికి ఈ సిరీస్‌లో బ్లాక్, బ్లూ క‌ల‌ర్స్ వేరియంట్‌లో ఫోన్ విడుద‌ల కానుంది.

సామ్‌సంగ్ గెలాక్సీ ఎఫ్ 42 ఫీచ‌ర్లు ఇవే

ఫుల్ హెచ్‌డీ ప్ల‌స్ ఇన్‌ఫినిటీ వీ డిస్‌ప్లే, వాట‌ర్‌డ్రాప్ స్టైల్ నాట్చ్ సెల్ఫీ కెమెరా, 90 హెచ్‌జెడ్ రీఫ్రెష్ రేట్‌, మీడియాటెక్ డైమెన్సిటీ 700 ఎస్‌వోసీ, 12 5జీ బ్యాండ్స్‌.. N1 (2100), N3 (1800), N5 (850), N7 (2600), N8 (900), N20 (800), N28 (700), N66 (AWS-3), N38 (2600), N40 (2300), N41 (2500), N78 (3500), ట్రిపుల్ రేర్ కెమెరా, ఎల్ఈడీ ఫ్లాష్‌, 64 ఎంపీ రేర్ కెమెరా, 5000 ఎంఏహెచ్ బ్యాట‌రీ, ఫింగ‌ర్ ప్రింట్ స్కాన‌ర్‌, 3.5 ఎంఎం హెడ్‌ఫోన్ జాక్‌, మైక్రోఫోన్‌, యూఎస్‌బీ టైప్ సీ పోర్ట్ లాంటి ఫీచ‌ర్ల‌తో సామ్‌సంగ్ గెలాక్సీ ఎఫ్ 42 రిలీజ్ కానుంది.