Xiaomi 11 Lite NE 5G: అద్భుత‌మైన ఫీచ‌ర్ల‌తో జియోమీ 11 లైట్ ఎన్ఈ ఫోన్.. ధ‌ర‌, లాంచ్ డేట్ లీక్‌

Xiaomi 11 Lite NE 5G | ప్ర‌ముఖ స్మార్ట్‌ఫోన్ బ్రాండ్ జియోమీ నుంచి స‌రికొత్త ఫీచ‌ర్ల‌లో మ‌రో ఫోన్ రాబోతోంది. జియోమీ 11 లైట్ ఎన్ఈ 5జీ స్మార్ట్‌ఫోన్

September 19, 2021 / 04:19 PM IST

Xiaomi 11 Lite NE 5G: అద్భుత‌మైన ఫీచ‌ర్ల‌తో జియోమీ 11 లైట్ ఎన్ఈ ఫోన్.. ధ‌ర‌, లాంచ్ డేట్ లీక్‌

ప్ర‌ముఖ స్మార్ట్‌ఫోన్ బ్రాండ్ జియోమీ నుంచి స‌రికొత్త ఫీచ‌ర్ల‌లో మ‌రో ఫోన్ రాబోతోంది. జియోమీ 11 లైట్ ఎన్ఈ 5జీ స్మార్ట్‌ఫోన్ త్వ‌ర‌లో రిలీజ్ కానుంది. సెప్టెంబ‌ర్ 29న ఈ ఫోన్‌ను ఇండియాలో జియోమీ రిలీజ్ చేయ‌నుంది. ఇప్ప‌టికే ఈ ఫోన్‌కు సంబంధించిన డిజైన్‌, ఫీచ‌ర్ల‌ను కంపెనీ విడుద‌ల చేసింది. తాజాగా.. రిలీజ్ డేట్‌, ధ‌ర‌, ఇత‌ర స్పెసిఫికేష‌న్లు లీక్ అయ్యాయి.

ఈ ఫోన్ ప్రారంభ మోడ‌ల్ ధ‌ర రూ.21,999 గా ఉంటుంద‌ని స‌మాచారం. 6జీబీ ప్ల‌స్ 128 జీబీ, 8 జీబీ ప్ల‌స్ 128 జీబీ, 8 జీబీ ప్ల‌స్ 256 జీబీ స్టోరేజ్ ఆప్ష‌న్ల‌తో ఈ ఫోన్ విడుద‌ల కానుంది. అలాగే.. నాలుగు క‌ల‌ర్స్ వేరియంట్ల‌లో ఈ ఫోన్ ల‌భిస్తుంది.

జియోమీ గ‌త జూన్‌లోనే జియోమీ 11 లైట్ ఫోన్‌ను విడుద‌ల చేసింది. దాని ధ‌ర రూ.21,999. అందుకే.. త్వ‌ర‌లో విడుద‌ల‌య్యే జియోమీ 11 ఎన్ఈ 5జీ ఫోన్ ధ‌ర దానిక‌న్నా ఎక్కువగా ఉండే అవ‌కాశం ఉంది.

ఇప్పటికే జియోమీ 11 ఎన్ఈ 5జీ ఫోన్‌ ప్ర‌పంచ‌వ్యాప్తంగా విడుద‌ల అయింది. గ్లోబ‌ల్ రిలీజ్‌లో ఎటువంటి ఫీచ‌ర్స్ ఉన్నాయో.. ఇండియా లాంచ్‌లోనూ అవే ఫీచ‌ర్ల‌తో జియోమీ లాంచ్ చేయ‌నున్న‌ట్టు తెలుస్తోంది.

ఫీచ‌ర్లు ఇవే

ఆండ్రాయిడ్ 11, ఎంఐయూఐ 12.5, 6.55 ఇంచ్ ఫుల్ హెచ్‌డీ ప్ల‌స్ డిస్‌ప్లే, ఏఎమ్‌వోఎల్ఈడీ ట్రూ క‌ల‌ర్ డిస్‌ప్లే, 90 హెచ్‌జెడ్ రీఫ్రెష్ రేట్‌, క్వాల్‌కామ్ స్నాప్‌డ్రాగ‌న్ 778జీ ఎస్‌వోసీ ప్రాసెస‌ర్‌, 8జీబీ ర్యామ్‌, 256 జీబీ వ‌ర‌కు ఇంట‌ర్న‌ల్ స్టోరేజ్‌, 64 ఎంపీ కెమెరాతో ట్రిపుల్ రేర్ కెమెరా, 5జీ, 4జీ ఎల్‌టీఈ, వైఫై6, బ్లూటూత్ వీ5.2, జీపీఎస్‌, ఐఆర్ బ్లాస్ట‌ర్‌, యూఎస్‌బీ టైప్ సీ పోర్ట్‌, ఫింగ‌ర్‌ప్రింట్ సెన్సార్‌, డ్యుయ‌ల్ స్పీక‌ర్స్‌, 4250 ఎంఏహెచ్ బ్యాట‌రీ, 33 వాట్స్ ఫాస్ట్ చార్జింగ్ లాంటి ఫీచ‌ర్లతో ఈ ఫోన్ ఇండియాలో విడుద‌ల కానుంది.