ఇక నుంచి ఆండ్రాయిడ్ ఫోనే కారు కీ.. డిజిట‌ల్ కీతోనే డ్రైవింగ్‌

ఇక నుంచి ఆండ్రాయిడ్ ఫోనే కారు కీ | ఇదంతా టెక్నాల‌జీ యుగం. రోజురోజుకూ టెక్నాల‌జీ కొత్త పుంత‌లు తొక్కుతోంది. కేవ‌లం చేతిలో ఉండే స్మార్ట్‌ఫోన్‌తో ప్రపంచాన్ని చుట్టి వ‌స్తున్నాం.

December 2, 2021 / 04:21 PM IST

ఇక నుంచి ఆండ్రాయిడ్ ఫోనే కారు కీ.. డిజిట‌ల్ కీతోనే డ్రైవింగ్‌

ఇదంతా టెక్నాల‌జీ యుగం. రోజురోజుకూ టెక్నాల‌జీ కొత్త పుంత‌లు తొక్కుతోంది. కేవ‌లం చేతిలో ఉండే స్మార్ట్‌ఫోన్‌తో ప్రపంచాన్ని చుట్టి వ‌స్తున్నాం. ఇంట్లో కూర్చొని అన్ని ప‌నులు చ‌క్క‌దిద్దుతున్నామంటే దానికి కార‌ణం టెక్నాల‌జీ. ఇంకా ఈజీగా ప‌నుల‌ను చేసుకోవ‌డం కోసం.. మ‌రింత సుల‌భ‌త‌రం చేసుకునేందుకు గూగుల్.. త‌న మొబైల్ ఓఎస్ ఆండ్రాయిడ్‌లో త్వ‌ర‌లో స‌రికొత్త అప్‌డేట్స్‌ను తీసుకురానుంది.

దానిలో ప్ర‌ధాన‌మైన‌వి డిజిట‌ల్ కారు కీ ఫీచ‌ర్‌, ఫ్యామిలీ బెల్‌, గూగుల్ ఫోటోస్‌. ఆండ్రాయిడ్‌లో ఈ ఫీచ‌ర్ల‌ను గూగుల్ తీసుకొస్తున్న‌ట్టు బ్లాగ్ పోస్ట్‌లో వెల్ల‌డించింది.

ఫ్యామిలీ బెల్‌ – Family Bell

ఫ్యామిలీ బెల్ అనే ఫీచ‌ర్.. ఫ్యామిలీ మెంబ‌ర్స్ అంద‌రినీ క‌లిపేది. ప్ర‌స్తుతం అంద‌రూ బిజీ బిజీ జీవితాల‌ను గ‌డుపుతుంటారు. అటువంటి వాళ్లు రోజులో కొంత స‌మ‌యాన్ని త‌మ ఫ్యామిలీ కోసం కేటాయిస్తారు. అటువంటి వాళ్ల‌కు ఈ ఫీచ‌ర్ బాగా ఉప‌యోగ‌ప‌డుతుంది. రోజులో ఒక స‌మ‌యాన్ని ఫిక్స్ చేసుకొని.. అదే టైమ్‌ను అంద‌రు ఫ్యామిలీ మెంబ‌ర్స్ ఫోన్ల‌లోకి అల‌ర్ట్‌గా పంపించుకోవ‌చ్చు. ఇత‌ర స్మార్ట్ డివైజ్‌ల‌కు కూడా నోటిఫికేష‌న్‌లా పంపించుకోవ‌చ్చు. దాని ద్వారా వేరే ప‌నుల్లో ఉన్న‌వాళ్లంతా ఒక్క‌చోటుకు చేరి ఫ్యామిలీ అంతా స‌మ‌యాన్ని వెచ్చించుకోవ‌చ్చు. ఉద‌యం బ్రేక్‌ఫాస్ట్ కోసం అయినా.. హాలిడే రోజు ఎటైనా బ‌య‌టికి వెళ్లాల‌నుకున్నా.. లంచ్‌, లేదా ఈవెనింగ్ చిట్‌చాట్ కోసం.. ఇలా ప‌లు ర‌కాలుగా ఫ్యామిలీతో గెట్‌టుగెద‌ర్ ఏర్పాటు చేసుకోవ‌డానికి ఫ్యామిలీ బెల్ ఫీచ‌ర్‌ను ఉప‌యోగించుకోచ్చు.

గూగుల్ ఫోటోస్‌ – Google Photos

ఈ ఫీచ‌ర్ ద్వారా ఫ్యామిలీ, ఫ్రెండ్స్‌తో గ‌డిపిన క్ష‌ణాల‌ను తిరిగి గుర్తు తెచ్చుకోవ‌చ్చు. ఏదైనా స్పెష‌ల్ అకేష‌న్‌కు ఎక్క‌డికైనా వెళ్లిన‌ప్పుడు ఆ అకేష‌న్‌లో దిగిన ఫోటోల‌ను గూగుల్ ఫోటోస్‌లో షేర్ చేసుకొని.. తిరిగి ఎప్పుడైనా ఆ జ్ఞాప‌కాల‌ను నెమరు వేసుకునేందుకు ఈ ఫీచ‌ర్ ఉప‌యోగ‌ప‌డుతుంది.

డిజిట‌ల్ కారు కీ ఫీచ‌ర్‌ – Digital Car Key Feature

గూగుల్ నుంచి వ‌స్తున్న మ‌రో బ్ర‌హ్మాండ‌మైన ఫీచ‌ర్ డిజిట‌ల్ కారు కీ ఫీచ‌ర్. ఈ ఫీచ‌ర్ ద్వారా ఆండ్రాయిడ్ యూజ‌ర్లు.. కేవ‌లం ఆండ్రాయిడ్ ఫోన్ ద్వారా.. కారు కీ లేకున్నా.. కారును డిజిట‌ల్ కీ ఉప‌యోగించి లాక్ వేసుకోవ‌చ్చు. అన్‌లాక్ చేయొచ్చు. కారును స్టార్ట్ కూడా చేయొచ్చు. ఈ ఫీచ‌ర్‌ను ప్ర‌స్తుతానికి కొన్ని దేశాల్లో మాత్ర‌మే లాంచ్ చేయ‌నుంది గూగుల్. అలాగే.. గూగుల్ పిక్సెల్ 6, పిక్సెల్ 6 ప్రో, సామ్‌సంగ్ గెలాక్సీ ఎస్‌21 లాంటి ఫోన్ల‌లో బీఎండ‌బ్ల్యూ కార్ల కోసం ఈ ఫీచ‌ర్‌ను తీసుకురానుంది. ఆ త‌ర్వాత ఈ ఫీచ‌ర్‌ను అన్ని ఫోన్ల‌లోనూ, అన్ని కార్ల‌లోనూ తీసుకురానుంది.

ఇప్ప‌టికే డిజిట‌ల్ కారు కీ ఫీచ‌ర్‌ను యాపిల్ ఐఫోన్ యూజ‌ర్ల కోసం తీసుకొచ్చింది. కాక‌పోతే యాపిల్ కూడా కొన్ని ల‌గ్జ‌రీ కార్లకే ఈ ఫీచ‌ర్‌ను అందుబాటులోకి తీసుకొచ్చింది.

డిజిట‌ల్ కారు కీ ఫీచ‌ర్‌తో పాటు.. ఆండ్రాయిడ్ ఆటో ఫీచ‌ర్‌ను కార్ల కోసం తీసుకురానుంది. దీని ద్వారా.. కారుతో ఆండ్రాయిడ్ ఫోన్‌ను ఆటోమెటిక్‌గా క‌నెక్ట్ చేసుకుంటుంది. గూగుల్ అసిస్టెంట్‌తో డ్రైవింగ్‌లో ఉన్న‌ప్పుడు ఫోన్‌ను ఆప‌రేట్ చేసుకోవ‌చ్చు. అలాగే.. జీబోర్డ్‌లో ప‌లు కొత్త ఎమోజీల‌ను తీసుకురానుంది. లేటెస్ట్ స్టిక‌ర్ల‌ను తీసుకురానుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి