Meta Layoffs | మార్క్ జుక‌ర్‌బ‌ర్గ్ ప్ర‌శంసించిన టెకీపై మెటా వేటు

ఆర్ధిక మంద‌గ‌మ‌నం వెంటాడ‌టంతో పాటు మాంద్యం భ‌యాల‌తో టెక్ దిగ్గ‌జాలు ఎడాపెడా కొలువుల కోత‌కు (Meta Layoffs) తెగబ‌డుతున్నాయి. వ‌రుస లేఆఫ్స్‌తో ఉద్యోగుల‌పై వేటు వేస్తుండ‌టంతో ఎప్పుడు త‌మ ఉద్యోగం ఊడుతుందోన‌ని టెకీలు వ‌ణుకుతున్నారు.

న్యూయార్క్ : ఆర్ధిక మంద‌గ‌మ‌నం వెంటాడ‌టంతో పాటు మాంద్యం భ‌యాల‌తో టెక్ దిగ్గ‌జాలు ఎడాపెడా కొలువుల కోత‌కు (Meta Layoffs) తెగబ‌డుతున్నాయి. వ‌రుస లేఆఫ్స్‌తో ఉద్యోగుల‌పై వేటు వేస్తుండ‌టంతో ఎప్పుడు త‌మ ఉద్యోగం ఊడుతుందోన‌ని టెకీలు వ‌ణుకుతున్నారు. సామ‌ర్ధ్యం ఆధారంగానే లేఆఫ్స్ ఉంటాయ‌ని పైకి కంపెనీలు చెబుతున్నా కొలువుల కోత‌లో అత్యంత నైపుణ్యాలు క‌లిగిన ఉద్యోగులూ వేటుకు గుర‌వుతున్నారు.

ఈ ఏడాది మేలో 6000 మంది ఉద్యోగులను మెటా తొల‌గించ‌గా ఆ జాబితాలో పేరున్న‌ మ‌హిళా టెకీ ఇటీవ‌ల లింక్డిన్‌లో త‌న స్టోరీని రాసుకొచ్చారు. తాను కంపెనీలో టాప్ పెర్ఫామర్ల‌లో ఒక‌రినే కాకుండా స్వ‌యంగా మెటా సీఈవో మార్క్ జుక‌ర్‌బ‌ర్గ్ ప్ర‌శంస‌లు పొందాన‌ని ఆమె రాసుకొచ్చారు. మెటాలో తాను ప్రాడ‌క్ట్ మార్కెటింగ్ మేనేజ‌ర్‌గా చేరాన‌ని, ఏడాదిన్న‌ర త‌ర్వాత త‌న‌తో పాటు 6000 మంది ఉద్యోగుల‌ను తొల‌గించార‌ని వాపోయారు.

తాను ప‌లు కీల‌క ప్రాజెక్టుల్లో ప‌నిచేయ‌డంతో పాటు కంపెనీ టాప్ పెర్ఫామ‌ర్‌గా నిలిచాన‌ని, పైగా కంపెఈన సీఈవో మార్క్ జుక‌ర్‌బ‌ర్గ్ నుంచి ప్ర‌శంస‌లు పొందడంతో త‌న ఉద్యోగానికి ఢోకా ఉండ‌ద‌ని భావించాన‌ని ఆమె త‌న అనుభ‌వాల‌ను లింక్డిన్ పోస్ట్‌లో రాసుకొచ్చారు. మెటా లేఆఫ్స్‌లో కొలువు కోల్పోవ‌డంతో ఇప్పుడు తాను మ‌రో ఉద్యోగ వేటలో ఉన్నాన‌ని ఆమె చెప్పుకొచ్చారు.

Read More :

Prithvi Shaw | కిందపడుతుంటే ఎవరూ పట్టించుకోరు.. పృథ్వీషా ఆసక్తికర ఇన్‌స్టా స్టోరీ