మీ పేరుపై ఎన్ని ఫోన్ నంబ‌ర్లు ఉండొచ్చో తెలుసా

April 20, 2021 / 09:33 PM IST

మీ పేరు మీద ఎన్ని ఫోన్ నంబ‌ర్లు ఉన్నాయి? మీ అడ్ర‌స్ ప్రూఫ్ మీద ఎవ‌రైనా దొంగ సిమ్ తీసుకున్నారా? వాటితో ఎవ‌రైనా మిస్ యూజ్ చేస్తున్నారా? ఇంత‌కుముందు ఈ వివ‌రాలు తెలిసేవి కాదు !! దీంతో ఎవ‌రో మిస్ యూజ్ చేస్తే మ‌నం చిక్కుల్లో ప‌డేవాళ్లం !! ఇక‌పై అలా ఇబ్బందుల్లో ప‌డ‌కుండా మ‌న పేరు మీద ఎన్ని ఫోన్ నంబ‌ర్లు ఉన్నాయో తెలుసుకునేందుకు విజ‌య‌వాడ టెలికాం విభాగం వీలు క‌ల్పించింది. అంతేకాకుండా మ‌నం ఉప‌యోగించ‌ని నంబ‌ర్ల‌పై రిపోర్టు చేసే స‌దుపాయాన్ని కూడా తీసుకొచ్చింది. అలా రిపోర్టు చేసిన నంబ‌ర్ల‌పై చ‌ర్య‌లు తీసుకుంటామ‌ని విజ‌య‌వాడ టెలికం శాఖ డిప్యూటీ డైరెక్ట‌ర్ జ‌న‌ర‌ల్ రాబ‌ర్ట్ ర‌వి తెలిపారు. ప్ర‌స్తుతం ఈ స‌ర్వీస్‌ను ఏపీ, తెలంగాణ టెలికం స‌ర్కిల్‌లోనే అందుబాటులోకి తీసుకొచ్చామ‌ని, త్వ‌ర‌లోనే దేశ‌వ్యాప్తంగా అమ‌ల్లోకి తీసుకువ‌స్తామ‌ని చెప్పారు. ఒక్క వ్య‌క్తిపై గ‌రిష్ఠంగా 9 నంబ‌ర్లు మాత్ర‌మే ఉండేందుకు వీలుంద‌ని ఆయ‌న తెలిపారు.

ఎలా తెలుసుకోవాలి?

ముందుగా http://tafcop.dgtelecom.gov.in/ వెబ్‌సైట్ ఓపెన్ చేయాలి.

ఆ వెబ్‌సైట్‌లో మ‌న ఫోన్ నంబ‌ర్ ఎంట‌ర్ చేయ‌గానే, ఓటీపీ వ‌స్తుంది.
మ‌న ఫోన్‌కు వ‌చ్చిన ఓటీపీని వెబ్‌సైట్‌లో ఎంట‌ర్ చేయ‌గానే మ‌న పేరు మీద ఉన్న ఫోన్ నంబ‌ర్ల వివ‌రాలు వ‌స్తాయి.
ప్ర‌తి నంబ‌ర్ ద‌గ్గ‌ర రిపోర్ట్ చేయ‌డానికి ఇది నా నంబ‌ర్ కాదు, నా నంబ‌రే కానీ ఉప‌యోగించ‌డం లేదు అనే రెండు ఆప్ష‌న్లు ఉంటాయి.
వాటిలో ఒక‌టి సెలెక్ట్ చేసి సబ్‌మిట్ చేస్తే స‌రిపోద్ది. ఆ నంబ‌ర్ల‌పై టెలికం శాఖ చ‌ర్య‌లు తీసుకుంటుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి