Bike accident | ఇద్ద‌రి ప్రాణాల్ని బ‌లిగొన్న అతివేగం.. అలియాబాద్‌లో అర్ధరాత్రి ఘటన

అతివేగం ఇద్దరు వలసకూలీల ప్రాణాలను బలికొంది. ఈ సంఘటన మేడ్చ‌ల్ మ‌ల్కాజిగిరి జిల్లా జినోమ్ వాలీ పోలీస్ స్టేషన్ పరిధి అలియాబాద్ లో అర్ధరాత్రి చోటుచేసుకుంది.

శామీర్ పేట్, అక్టోబర్ 19 : అతివేగం ఇద్దరు వలసకూలీల ప్రాణాలను బలికొంది. ఈ సంఘటన మేడ్చ‌ల్ మ‌ల్కాజిగిరి జిల్లా జినోమ్ వాలీ పోలీస్ స్టేషన్ పరిధి అలియాబాద్ లో అర్ధరాత్రి చోటుచేసుకుంది. పోలీసులు, స్థానికుల కథనం ప్రకారం వివరాలు ఇలా ఉన్నాయి. జార్ఖండ్ కు చెందిన కాస్మోస్ మార్కి (22) అలియాబాద్ లో నివాసం ఉంటున్నాడు. సుమిత్ కుళ్లు (23) బాలానగర్ లో ఉంటూ ఈ ఇద్దరు అలియాబాద్ మునిసిపల్ పరిధిలోని డైనమిక్ కంపెనీలో పనిచేస్తున్నారు.

కంపెనీ దసరా దావత్ కు వెళ్లి తిరిగి ఆదివారం అర్ధరాత్రి బైక్ పై అలియాబాద్ లోని రూమ్ కి వస్తున్నారు. మార్గ మధ్యలో అలియాబాద్ బ్రింద రెడ్డి కన్వీన్షన్ ముందు అతివేగంగా వస్తున్న వీరి బైక్ చెట్టుకు ఢీ కొట్టింది. ఈ ప్రమాదంలో ఇద్దరు అక్కడికక్కడే మృత్యువాత పడ్డారు. సంఘటన స్థలానికి చేరుకున్న పోలీసులు శవ పంచనామా నిర్వహించి పోస్ట్ మార్టం నిమిత్తం ద‌వాఖాన‌కు తరలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ గురువయ్య గౌడ్ తెలిపారు.