Visit:
సిటీబ్యూరో, మార్చి 14 (నమస్తే తెలంగాణ ) : హోలీ పండుగ సందర్భంగా నగరంలోని పలు చోట్ల ఆబ్కా రీ ఎస్‌టీఎఫ్‌ పోలీసులు దాడులు చేశా రు. ఇందులో ముగ్గురు వ్యక్తులను అరెస్టు చేసి, వారి నుంచి గంజాయితో తయారు చేసిన 100 కుల్ఫీ ఐస్‌క్రీమ్‌ లు, 32గాంజా గోలీలు, 108 బర్ఫీ స్వీట్‌ బాక్సులను స్వాధీనం చేసుకున్నారు. ఎస్‌టీఎఫ్‌ ఈఎస్‌ నంద్యాల అంజిరెడ్డి కథనం ప్రకారం.. ధూల్‌పేట్‌కు చెందిన సత్యనారాయణ హోలీ పండుగ సందర్భంగా కుల్ఫీ ఐస్‌క్రీమ్‌ లో గంజాయి కలిపి విక్రయిస్తున్నా డు. ఎస్‌టీఎఫ్‌ బృందాలు లోయర్‌ధూల్‌పేటలోని సత్యనారాయణ నివాసంపై దాడులు జరిపి అరెస్టు చేశాయి. మరో కేసులో గంజాయితో తయారు చేసిన మత్తు గోలీలు విక్రయిస్తున్న బల్దేవ్‌సింగ్‌ను అరెస్టు చేసి, అతడి నుంచి 32 గంజాయి గోలీలను స్వాధీ నం చేసుకున్నారు. అలాగే గంజాయి తో తయారు చేసిన బర్ఫీ మిఠాయిలు విక్రయిస్తున్న గంగాధర్‌ను అరెస్టు చేశారు. 108 మత్తు మిఠాయి బాక్సులను స్వాధీనం చేసుకుని సీజ్‌ చేశారు.
