అతడు పండుటాకులకు కుండలో మెతుకు

ఆయన బక్క పలచని మనిషే కావచ్చు కానీ, రాష్ట్ర కాంక్షను ఎవరెస్టుపై ఎగరేసిన సైనికుడతడు మాటల ఈటెలను విసిరే మనిషే కావచ్చు కానీ, రాజకీయ కడలిని చిలికిన చాణక్యుడతడు ప్రతిపక్షాల ఎత్తులను చిత్తు చేసే కత్తి అతడుc

ఆయన బక్క పలచని మనిషే కావచ్చు కానీ,
రాష్ట్ర కాంక్షను ఎవరెస్టుపై ఎగరేసిన సైనికుడతడు
మాటల ఈటెలను విసిరే మనిషే కావచ్చు కానీ,
రాజకీయ కడలిని చిలికిన చాణక్యుడతడు
ప్రతిపక్షాల ఎత్తులను చిత్తు చేసే కత్తి అతడు

పరాయి పాలనపై నిప్పుల కొలిమిని రాజేసి
సబ్బండవర్గాలను సమరానికి మళ్లించిన నేత
మృత్యుకుహరంలోకి శిరస్సును ఒంపి
ఉద్యమానికి ఊపిరులూదిన ఉప్పెనతడు
రాలిపోయే పండుటాకులకు పెద్ద కొడుకై
వారికిప్పుడు కుండలో మెతుకైతాండు

నీళ్లు లేక కరెంటు రాక అరిగోస పడి
కూలిపోతున్న రైతన్న గుండెలకు
రైతుబంధుతో నిట్టాడై నిలబడతాండు
పొంగిపొర్లుతున్న గోదారమ్మకు తన
ఆలోచనను అడ్డేసి నెర్రబారిన నేలలకు దాహాన్ని తీర్చాడు
తుప్పలతో నిండిపోయిన బీడు భూముల్లో
నేడు రతనాల రాశులకు కేరాఫ్‌ అయ్యాడు

మసకబారిన నేలను హరితహారంతో
పుడమి తల్లికి పచ్చని చీరను కట్టాడు
పేద పిల్లల పెండ్లిల్లకు పెద్ద మనిషి అయి
కల్యాణలక్ష్మీ ,షాదీ ముబారక్‌లతో
పసుపు కుంకుమలై ఆనందాల సింగిడిని
మంటపంలో పరుస్తున్నాడు

నేతన్నకు, గీతన్నకు సకల కులాలకు
ఊతమిస్తున్నాడు
ఇప్పుడు నాలుగు కోట్ల ప్రజల నాలుకతడు
తెలంగాణ మాండలికానికి మాతృక అతడు
సర్వమతాలకు చైతన్యగీతిక అతడు…

– తాటిపాముల రమేశ్‌, 79815 66031