Visit:
Nagender Reddy Kasarla | అసెంబ్లీ సమావేశాల సందర్భంగా ప్రభుత్వ వైఫల్యాలను ప్రశ్నిస్తూ శాంతియుతంగా నిరసన తెలిపిన బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి హరీశ్రావు సహా బీఆర్ఎస్ నేతలను పోలీసులు అరెస్ట్ చేయడాన్ని బీఆర్ఎస్ ఆస్ట్రేలియా అధ్యక్షుడు నాగేందర్ రెడ్డి కాసర్ల తీవ్రంగా ఖండించారు.
ప్రజా సమస్యలను అసెంబ్లీలో ప్రస్తావించేందుకు వచ్చిన ప్రజాప్రతినిధులను సభలోకి వెళ్లకముందే అరెస్ట్ చేయడం పూర్తిగా అప్రజాస్వామికమని ఆయన అన్నారు. ప్రశ్నలకు సమాధానం చెప్పాల్సిన ప్రభుత్వం పోలీసు బలంతో ప్రతిపక్ష గొంతును అణచివేయడం సరికాదని మండిపడ్డారు. గతంలో రాహుల్ గాంధీ నల్ల దుస్తులతో పార్లమెంట్లో నిరసన తెలిపినప్పుడు అభ్యంతరం చెప్పని కాంగ్రెస్ ప్రభుత్వం, ఇప్పుడు బీఆర్ఎస్ నేతలు అదే విధంగా నిరసన వ్యక్తం చేస్తే అరెస్టులు చేయడం ద్వంద్వ వైఖరికి నిదర్శనమని విమర్శించారు.
ముఖ్యంగా మహిళా ప్రజాప్రతినిధుల పట్ల పోలీసుల వ్యవహారశైలి తీవ్రంగా ఖండించదగినదని అన్నారు. ప్రజాస్వామ్యంలో నిరసన తెలిపే హక్కును కాలరాయకుండా, ప్రజా సమస్యలపై అసెంబ్లీలో స్వేచ్ఛగా చర్చించేందుకు ప్రభుత్వం అవకాశం కల్పించాలని నాగేందర్ రెడ్డి కాసర్ల డిమాండ్ చేశారు.
Vijay Sethupathi | విజయ్ సేతుపతి, సాయిపల్లవి లుక్ అదిరింది.. టైటిల్ ఏంటో తెలుసా..?
Bipasha Basu | బిపాసా బసు రీ ఎంట్రీకి రెడీ.. 8 ఏళ్ల తర్వాత వస్తున్న సినిమాపై భారీ అంచనాలు
