RINL వైజాగ్‌ స్టీల్‌ ప్లాంట్‌లో డిప్లొమా, గ్రాడ్యుయేట్‌ అప్రెంటిస్‌లు

Vizag Steel | రాష్ట్రీయ ఇస్పాత్‌ నిగం లిమిటెడ్‌ (RINL) పరిధిలోని విశాఖపట్నం స్టీల్‌ ప్లాంట్‌ (VSP) వివిధ విభాగాల్లో ఖాళీగా ఉన్న గ్రాడ్యుయేట్‌

హైదరాబాద్‌: రాష్ట్రీయ ఇస్పాత్‌ నిగం లిమిటెడ్‌ (RINL) పరిధిలోని విశాఖపట్నం స్టీల్‌ ప్లాంట్‌ (Vizag Steel plant) వివిధ విభాగాల్లో ఖాళీగా ఉన్న గ్రాడ్యుయేట్‌, టెక్నీషియన్‌ అప్రెంటిస్‌ పోస్టులను భర్తీ చేస్తున్నది. అర్హత కలిగినవారు దరఖాస్తు చేసుకోవాలని కోరింది. అన్‌లైన్ అప్లికేషన్లు ఈనెల 18 వరకు అందుబాటులో ఉంటాయని తెలిపింది. బీటెక్‌ లేదా డిప్లొమా చేసినవారు అర్హులని వెల్లడించింది. ఈనోటిఫికేషన్‌ ద్వారా 150 పోస్టులను భర్తీ చేస్తున్నది.
మొత్తం ఖాళీలు: 150
ఇందులో గ్రాడ్యుయేట్‌ అప్రెంటిస్‌ 110, టెక్నీషియన్‌ అప్రెంటిస్‌ 40 చొప్పున ఉన్నాయి.
అర్హత: మెకానికల్‌, ఎలక్ట్రికల్‌ అండ్‌ ఎలక్ట్రానిక్స్‌, ఎలక్ట్రానిక్స్‌ అండ్‌ కమ్యూనికేషన్‌, కంప్యూటర్‌ సైన్స్‌, మెటల్లర్జీ, ఇన్‌స్ట్రుమెంటేషన్‌, సివిల్, కెమికల్‌ బ్రాంచీల్లో ఇంజినీరింగ్‌, ఇంజినీరింగ్‌ డిప్లొమా చేసి ఉండాలి.
ఎంపిక ప్రక్రియ: అకడమిక్‌ మార్కుల ఆధారంగా
దరఖాస్తు విధానం: ఆన్‌లైన్‌లో
దరఖాస్తులు ప్రారంభం: నవంబర్‌ 11
దరఖాస్తులకు చివరితేదీ: నవంబర్‌ 18
వెబ్‌సైట్‌: vizagsteel.com