Nizamabad | నిజామాబాద్‌ జిల్లా కేంద్రంలో భారీ పేలుడు.. చెత్త కుప్పలో పేలుడు దాటికి తునా తునక లైన మహిళా శరీరం

నిజామాబాద్ జిల్లా కేంద్రంలో పేలుడు ఘటన కలకలం సృష్టించింది. నగరంలోని మిర్చి కాంపౌండ్ ప్రాంతంలో ఓ కాళీ ప్రదేశంలో భారీగా పేరుకుపోయిన చెత్తలో ఓ మహిళ పనికిరాని వస్తువులు ఏరుకుంటోంది. కాగా అక్కడ పేలుడు ఘటన సంభవించినట్లు స్థానికులు తెలిపారు.

• పేలుడు శబ్దానికి చుట్టుపక్కల భవనాల అద్దాలు ధ్వంసం
• ఏం పేలిందో తెలియక లోతుగా దర్యాప్తు నిర్వహిస్తున్న పోలీసులు
• పేలుడు ఘటనపై లోతుగా దర్యాప్తు ఏసీపీ ప్రకాష్ యాదవ్

Nizamabad | వినాయక్ నగర్, అక్టోబర్: 13 : నిజామాబాద్ జిల్లా కేంద్రంలో పేలుడు ఘటన కలకలం సృష్టించింది. నగరంలోని మిర్చి కాంపౌండ్ ప్రాంతంలో ఓ కాళీ ప్రదేశంలో భారీగా పేరుకుపోయిన చెత్తలో ఓ మహిళ పనికిరాని వస్తువులు ఏరుకుంటోంది. కాగా అక్కడ పేలుడు ఘటన సంభవించినట్లు స్థానికులు తెలిపారు. గుర్తుతెలియని మహిళ చెత్త కుప్పలోంచి గుర్తుతెలియని వస్తువు చేతిలో పట్టుకోగానే భారీగా పేలుడు సంభవించింది. దీంతో ఆ పేలుడు దాటికి మహిళ శరీర భాగాలు తునా తునకలై ఎగిరి పడ్డాయి. దీంతోపాటు పేలుడు భారీ శబ్దానికి పరిసర ప్రాంతాలలో ఉన్న భవనాల అద్దాలు సైతం ధ్వంసమయ్యాయి. దీంతోపాటు పేలుడు శబ్దం చుట్టుపక్కల ప్రాంతాలలో సుమారు కిలోమీటర్ వరకు వినిపించడంతో స్థానికులు ఏం జరిగిందో అని ఇంట్లో నుంచి బయటకు పరుగులు తీశారు.

విషయం తెలుసుకున్న నిజామాబాద్ ఏసీపీ ప్రకాష్ యాదవ్, వన్ టౌన్ ఎస్హెచ్ఓ శ్రీనివాస్ తమ సిబ్బందితో కలిసి మిర్చి కాంపౌండ్ ప్రాంతంలో జరిగిన పేలుడు ఘటన స్థలానికి హుటాహుటిన చేరుకున్నారు. స్థానికులు ఇచ్చిన సమాచారం మేరకు చుట్టుపక్కల ఎగిరిపడిన మహిళ శరీర భాగాలను సేకరించారు. అయితే ఈ పేలుడు ఏదైనా బ్యాటరీ వల్ల జరిగిందా లేక, ఇతర ఏదైనా వస్తువు పేలిందా అనే కోణంలో దర్యాప్తు నిర్వహిస్తున్నట్లుగా ఏసీపీ ప్రకాష్ యాదవ్ తెలిపారు. ఈ ఘటనపై ఒకటవ టౌన్ ఎస్ హెచ్ ఓ శ్రీనివాస్ కేసు నమోదు చేసుకుని దర్యాప్తు చేపట్టారు. పేలుడు దాటికి శరీర భాగాలు తెగిపడిపోయిన మహిళ ఆనవాళ్లు సైతం గుర్తించలేకుండా ఉండడంతో మృతి చెందిన మహిళ ఎవరనే కోణంలో సైతం పోలీసులు విచారణ జరుపుతున్నారు.