సుప్రీంకోర్టులో జూనియర్‌ ట్రాన్స్‌లేటర్‌ పోస్టులు

Supreme Court | దేశ అత్యున్నత న్యాయస్థానం సుప్రీం కోర్టు (Supreme Court ) జూనియర్‌ ట్రాన్స్‌లేటర్‌ (కోర్ట్‌ అసిస్టెంట్‌) పోస్టుల భర్తీకి దరఖాస్తులు ఆహ్వానిస్తున్నది.

న్యూఢిల్లీ: దేశ అత్యున్నత న్యాయస్థానం సుప్రీం కోర్టు (Supreme Court ) జూనియర్‌ ట్రాన్స్‌లేటర్‌ (కోర్ట్‌ అసిస్టెంట్‌) పోస్టుల భర్తీకి దరఖాస్తులు ఆహ్వానిస్తున్నది. ఆన్‌లైన్‌ దరఖాస్తు ప్రక్రియ నేటి నుంచి ప్రారంభమైంది. మే 14 వరకు దరఖాస్తు చేసుకోవచ్చు. మొత్తం 25 పోస్టులను భర్తీ చేస్తున్నది. రాతపరీక్ష, టైప్‌ స్పీడ్‌ టెస్ట్‌ ద్వారా అభ్యర్థులను ఎంపికచేయనున్నది.

మొత్తం ఖాళీలు: 25
ఇందులో జూనియర్‌ ట్రాన్స్‌లేటర్‌ ఇంగ్లిష్‌ నుంచి తెలుగు 2, ఇంగ్లిష్‌ నుంచి అస్సామీ 2, ఇంగ్లిష్‌ నుంచి బెంగాలి 2, ఇంగ్లిష్‌ నుంచి గుజరాతి 2, ఇంగ్లిష్‌ నుంచి ఉర్దూ 2, ఇంగ్లిష్‌ నుంచి మరాఠా 2, ఇంగ్లిష్‌ నుంచి కన్నడ 2, ఇంగ్లిష్‌ నుంచి మలయాళం 2, ఇంగ్లిష్‌ నుంచి మణిపూరి 2, ఇంగ్లిష్‌ నుంచి ఒడియా 2, ఇంగ్లిష్‌ నుంచి పంజాబీ 2, ఇంగ్లిష్‌ నుంచి నేపాలి 1 చొప్పున ఉన్నాయి.
అర్హతలు: సంబంధిత సబ్జెక్టుల్లో డిగ్రీ చేసి రెండేండ్ల అనుభవం కలిగి ఉండాలి. అభ్యర్థులు 18 నుంచి 32 ఏండ్ల మధ్య వయస్కులై ఉండాలి.

ఎంపిక ప్రక్రియ: రాతపరీక్ష, టైపింగ్‌ స్పీడ్‌ టెస్ట్‌, వైవా
దరఖాస్తు విధానం: ఆన్‌లైన్‌లో
దరఖాస్తులు ప్రారంభం: ఏప్రిల్‌ 18
దరఖాస్తులకు చివరితేదీ: మే 14
వెబ్‌సైట్‌: www.sci.gov.in