యూఎల్‌సీ దరఖాస్తులకు మోక్షం

రాష్ట్రంలో పెండింగ్‌లో ఉన్న అర్బన్‌ ల్యాండ్‌ సీలింగ్‌ (యూఎల్‌సీ) భూముల దరఖాస్తులకు మోక్షం లభించనున్నది. యూఎల్‌సీ చట్టం పరిధిలోని పాక్షికంగా క్రమబద్ధీకరించిన, క్రమబద్ధీకరించని కాలనీలకు సంబంధించిన దరఖాస్తులను క్షుణ్ణంగా పరిశీలించి, నిబంధనల ప్రకారం అర్హత కలిగిన కేసులను వెంటనే క్రమబద్ధీకరించాలని రాష్ట్ర ప్రభు త్వం ఆదేశాలు జారీచేసింది.

• అర్హత ఉన్నవాటి క్రమబద్ధీకరణకు ఉత్తర్వులు
• మంత్రి పొంగులేటి వెల్లడి

హైదరాబాద్‌, సెప్టెంబర్‌ 27 (నమస్తే తెలంగాణ): రాష్ట్రంలో పెండింగ్‌లో ఉన్న అర్బన్‌ ల్యాండ్‌ సీలింగ్‌ (యూఎల్‌సీ) భూముల దరఖాస్తులకు మోక్షం లభించనున్నది. యూఎల్‌సీ చట్టం పరిధిలోని పాక్షికంగా క్రమబద్ధీకరించిన, క్రమబద్ధీకరించని కాలనీలకు సంబంధించిన దరఖాస్తులను క్షుణ్ణంగా పరిశీలించి, నిబంధనల ప్రకారం అర్హత కలిగిన కేసులను వెంటనే క్రమబద్ధీకరించాలని రాష్ట్ర ప్రభు త్వం ఆదేశాలు జారీచేసింది.

ఈ మేరకు గతంలో విడుదలైన జీవో నం.455, 456, 747, 92ల కింద వచ్చిన పెం డింగ్‌ దరఖాస్తుల పరిషారం కోసం ప్రత్యేకంగా మెమో నం. 48062/యుఎల్‌సీ/1ఎ/2026-1 జారీ చేసినట్టు మంత్రి పొంగులేటి శ్రీనివాసరెడ్డి హైదరాబాద్‌లో అదివారం వెల్లడించారు. అవసరమైన అన్ని అధికారిక ప్రక్రియలు పూర్తి చేసి వెంటనే క్రమబద్ధీకరణ చర్యలు చేపట్టాలని ఆదేశించారు. యుఎల్‌సీ సమస్యల పరిషారం కోసం గత ప్రభుత్వమే జీవో తెచ్చినప్పటికీ, దరఖాస్తులు ఏండ్ల తరబడి మూలనపడ్డాయని తెలిపారు.