కోల్కతా: బంగ్లాదేశ్ నుంచి అక్రమంగా ఇండియాలోకి చొరబడేందుకు ప్రయత్నించిన ఓ మహిళపై గ్యాంగ్ రేప్ జరిగింది. ఈ ఘటనలో ఇద్దరు బీఎస్ఎఫ్ జవాన్లను అరెస్టు చేశారు. బీఎస్ఎఫ్ అసిస్టెంట్ సబ్ ఇన్స్పెక్టర్, కానిస్టేబుల్ ను శుక్రవారం రాత్రి పశ్చిమ బెంగాల్ పోలీసులకు అప్పగించారు. ఇద్దర్నీ నిందితులుగా చేర్చి కోర్ట్ ఆఫ్ ఎంక్వైరీకి ఆదేశించారు. ఆగస్టు 26వ తేదీన బాగ్దా బోర్డర్ ఔట్పోస్టు వద్ద ఈ ఘటన జరిగింది. పశ్చిమ బెంగాల్లోని నార్త్ 24 పార్గనాస్ జిల్లాలో ఇది జరిగింది. బంగ్లాదేశ్ నుంచి చొరబడేందుకు ప్రయత్నించిన మహిళను దగ్గరలో ఉన్న పొలాల్లోకి లాక్కెళ్లి రేప్ చేశారు. అయితే విధుల్లో ఉన్న ఏఎస్ఐ ఆ కానిస్టేబుల్కు హెల్ప్ చేసినట్లు ఆరోపణలు ఉన్నాయి. ఆ మహిళ పోలీసు ఫిర్యాదు చేసిన తర్వాత ఘటన వెలుగులోకి వచ్చింది.