బోర్‌ నుంచి జోరు వైపు..

ఒమిక్రాన్‌ ఒంటరితనం, ఒత్తిడి మిమ్మల్ని వేధిస్తున్నదా? వర్క్‌ ఫ్రమ్‌ హోమ్‌, ఆన్‌లైన్‌ క్లాసులు.. బోరింగ్‌గా అనిపిస్తున్నాయా? కొన్ని చిట్కాలను పాటిస్తే.. ఇంట్లోనే ఈ సమస్యలకు చెక్‌ చెప్పొచ్చని అంటున్నారు సైకాలజిస్టులు.

• అతిగా ఆలోచించడం మానుకోవాలి. ఫోన్‌లో అయినా సరే ఆప్తులతో మాట్లాడండి. పాత జ్ఞాపకాలు నెమరేసుకోండి.
• సంగీతాన్ని ఆస్వాదించండి. నచ్చిన కొత్త, పాత పాటలను వినండి. ఫోన్‌తో గొంతు కలపండి.
• మీ ఇంటిని, మీ గదిని కొత్తగా ఎలా మార్చుకోవచ్చో ఆలోచించండి.
• స్కూల్‌డేస్‌ అంటేనే అనుభూతుల ఖజానా. వెంటనే, బాల్య మిత్రుల నంబరు కలపండి.
• నచ్చిన సినిమా, వెబ్‌ సిరీస్‌, సీరియళ్లు, స్పోర్ట్స్‌ వంటివి చూడొచ్చు.
• రోజూ కొద్దిసేపు వ్యాయామం, యోగా, ధ్యానం చేయవచ్చు. శరీర ఆకృతిని మరింత అందంగా మలుచుకోవచ్చు.
• పాత ఫొటో ఆల్బమ్స్‌ తిరగేయండి. తీపి జ్ఞాపకాలు ఉల్లాసాన్ని, ఉత్తేజాన్ని కలిగిస్తాయి.
• ఒంటరితనాన్ని ఏకాంతంగా మార్చుకుని.. జీవిత లక్ష్యాలను సమీక్షించుకోండి.
• చివరిగా మీకు వంట రాకపోయినా, వచ్చినా.. సరికొత్త ప్రయోగాలకు ఇదే సరైన సమయం.
• .. ఇలా రోజంతా ఉత్సాహంగా గడిపేందుకు ప్రయత్నించండి.